શહેરમાં રહેતા પરીવારની ૧૭ વર્ષની દીકરીને તેના વિસ્તારમાં અગાઉ ભાડના રૂમમાં રહેતો રોહીત ઉર્ફે રોહન મહેશભાઈ લોલાડીયા નામનો શખસ અપહરણ કરી નાસી ગયો હોય સગીરાના પરીવારે શોધખોળ કરી હતી. પરંતુ સગીરા નહીં મળતા રોહીતના ઘેર તપાસ કરતા રોહીત પણ ઘેર ન હોવાનુ બહાર આવ્યુ હતુ. ૧૦ દિવસ બાદ સગીરાને કુવાડવા રોડ પર ઓરડીએ ગોંધી રાખી હોવાની જાણ થતા સગીરાના પિતા સહીતનાએ પહોંચી રોહીતને સમજાવતા તેને હજી તમારી પુત્રીનો પીછો કરીશ અને ભગાડી જઈશ કહેતા સગીરાને છોડાવી ઘેર લાવી પોલીસમાં ફરીયાદ કરી હતી.

પોલીસની તપાસમાં આરોપી અગાઉ પણ બે વખત સગીરાનું અપહરણ કરી શારિરીક અડપલા કર્યા હતા. આ અંગે સગીરાના પિતાની ફરીયાદ પરથી બી ડીવીઝન પોલીસે અગાઉ બે વખત પોકસો સહીતનો ગુનો નોંધી આરોપીની ધરપકડ કરી હતી. દરમિયાન જેલમાંથી બહાર આવેલા રોહિત વધુ એક વખત અપહરણ કરી શારિરીક અડપલા કર્યા હતાં. પોલીસે ત્રીજી વખત રોહિત સામે પોકસો સહીતનો ગુનો નોંધી જરૂરી કાર્યવાહી કરી હતી.