માત્ર ૩૦ વર્ષની વયે, પ્રિડિક્શન માર્કેટ પ્લેટફોર્મ 'કાલ્શી'ના સહ-સ્થાપક અને ચીફ ઓપરેટિંગ ઓફિસર વિશ્વના સૌથી યુવા, સ્વ-નિર્મિત મહિલા અબજોપતિ બન્યા છે. તેમની અંદાજિત કુલ સંપત્તિ ૨.૬ અબજ ડોલર (આશરે ૨૪,૬૭૮ કરોડ રૂપિયા) છે. આટલી મોટી સંપત્તિ પ્રાપ્ત કરવા છતાં, બ્રાઝિલના આ ઉદ્યોગસાહસિક જણાવે છે કે તેમની દિનચર્યામાં ખાસ કોઈ ફેરફાર થયો નથી. તેઓ હજુ પણ દરરોજ ૧૨ થી ૧૪ કલાક કામ કરે છે અને તેમને આરામ કરવા માટે ખૂબ જ ઓછો સમય મળે છે.

ફોર્ચ્યુન સાથે વાત કરતા, લુઆના લોપ્સ લારાએ જણાવ્યું કે અબજોપતિ બનવાથી તેમની ખર્ચ કરવાની આદતો કે જીવન પ્રત્યેના તેમના અભિગમમાં ખાસ કોઈ ફેરફાર આવ્યો નથી. જ્યારે હું એમ કહું છું કે તેનાથી મારા જીવનમાં બહુ મોટો બદલાવ નથી આવ્યો, તો તેનું કારણ એ છે કે મને લાગે છે કે હું હંમેશા 'કાલશી'ના નિર્માણ પર અત્યંત એકાગ્ર રહી છું, લારાએ 'ફોર્ચ્યુન ડેઈલી'  એલી ઓસ્ટિનને કહ્યું, કદાચ હું ક્યારેક થોડું વધુ સારું લંચ લઈશ, કારણ કે મારે સરસ જમવું છે.

ટેક્નોલોજી ઉદ્યોગમાં પ્રવેશતા પહેલા લારાએ બ્રાઝિલમાં એક વ્યાવસાયિક નૃત્યનર્તિકા તરીકે તાલીમ લીધી હતી. મધ્યમ વર્ગના પરિવારમાં ઉછરેલી, તેણી કહે છે કે તેણીના અબજોપતિ દરજ્જાને સંપૂર્ણપણે સમજવું હજુ પણ મુશ્કેલ છે.

જોકે તે ક્યારેક મિત્રો સાથે ભોજન પર વધુ ખર્ચ કરે છે, લારાએ તેના પરિવારને વેટિકનની ક્રિસમસ માસ મુલાકાતમાં પણ સામેલ કર્યો છે. જોકે, આવા અનુભવો ઉપરાંત, તે ઉડાઉ વૈભવી વસ્તુઓમાં વ્યસ્ત રહેવાને બદલે કાલશીના વિસ્તરણ પર ધ્યાન કેન્દ્રિત કરે છે.

લારા માટે તેણીનું વ્યક્તિગત નસીબ અને કંપનીનું ઝડપથી વધતું મૂલ્યાંકન સફળતાના માપદંડોનું પ્રતિનિધિત્વ કરે છે, પરંતુ તે તેણીની જીવનશૈલી અથવા પ્રાથમિકતાઓને વ્યાખ્યાયિત કરતા નથી.

કાલશીએ એક 'પ્રિડિક્શન માર્કેટ' (અનુમાન બજાર) પ્લેટફોર્મ છે, જે યુઝર્સને ચૂંટણીઓ, રમતગમતની સ્પર્ધાઓ અને આર્થિક નિર્ણયો સહિતની વિવિધ ઘટનાઓના પરિણામો પર આધારિત કરારોમાં ટ્રેડિંગ કરવાની સુવિધા આપે છે.

કંપનીનું મૂલ્યાંકન જૂન 2025માં બે અબજ ડોલર (આશરે રૂ.18,986 કરોડ) હતું, જે ડિસેમ્બર 2025 સુધીમાં વધીને 11 અબજ ડોલર (આશરે રૂ.1.04 લાખ કરોડ) થઈ ગયું. ત્યારબાદ, મે 2026માં તે વધીને 22 અબજ ડોલર (આશરે રૂ.2.09 લાખ કરોડ) પર પહોંચ્યું.

રોઇટર્સના અહેવાલ મુજબ, સપ્ટેમ્બર 2026માં કાલ્શી લગભગ 40 અબજ ડોલર (આશરે રૂ.3.80 લાખ કરોડ)ના મૂલ્યાંકન પર વધુ એક અબજ ડોલર (આશરે રૂ.9,493 કરોડ) એકત્ર કરવા માટે વાતચીત કરી રહી હતી.

જોકે, કંપનીના આ ઝડપી વિકાસને કારણે કાયદાકીય તપાસ પણ શરૂ થઈ છે. અમેરિકાના કેટલાક રાજ્યોએ તેના રમતગમત સંબંધિત કરારોને પડકાર્યા છે અને દલીલ કરી છે કે આ એક પ્રકારનો ગેરકાયદેસર જુગાર છે.

કાલ્શીનું કહેવું છે કે તે પરંપરાગત સ્પોર્ટ્સબુક'(જ્યાં રમતગમત પર સટ્ટો લગાવાય છે) તરીકે નહીં, પરંતુ ફેડરલ સ્તરે નિયંત્રિત નાણાકીય એક્સચેન્જ તરીકે કાર્ય કરે છે. લારાએ ફોર્ચ્યુન ડેઇલીને જણાવ્યું હતું કે, અમે સ્પોર્ટ્સબુકની જેમ પૈસા કમાતા નથી.

તેમણે પ્રિડિક્શન માર્કેટનો બચાવ કરતા કહ્યું કે, જે લોકો પોતાના અનુમાનો પર પૈસા લગાવવા તૈયાર હોય છે, તેમની પાસેથી મળેલી માહિતીને એકત્રિત કરીને આ પ્લેટફોર્મ મૂલ્યવાન પૂર્વાનુમાનો તૈયાર કરી શકે છે. દરમિયાન, કાલ્શીના સહ-સ્થાપક અને સીઈઓ તારેક મન્સૂરે સંકેત આપ્યો છે કે નિયમનકારી વિવાદનો આ મામલો આગળ જતાં અમેરિકાની સુપ્રીમ કોર્ટ સુધી પહોંચી શકે છે.