પ્રયાગરાજમાંઆવતા મહીને યોજાનારા ભકિત અને અધ્યાત્મના મહાકુંભ માટે ઋષિ–મુનિઓના અખાડાઓ પણ તૈયાર કરવામાં આવી રહ્યા છે. કેન્ટોનમેન્ટમાં તેમના પ્રવેશ પ્રસંગે પ્રયાગરાજમાં શાહી શૈલીમાં આજે તેમની શોભાયાત્રા કાઢવામાં આવશે.દેશભરમાંથી આવી પહોચેલા સાધુ, સંતોની ઉપસ્થિતિમાં યોજાનારી શાહી શોભાયાત્રા અને મહામંડલેશ્વર અવધેશાનંદગિરીના નેતૃત્વમાં થનારી પેશવાઈ વિશ્વને ભારતીય સંસ્કૃતિના દર્શન કરાવશે.
યુપીના પ્રયાગરાજમાં આવતા વર્ષે ૧૩ જાન્યુઆરીથી શ થનારા મહાકુંભની તૈયારીમાં સાધુઓના અખાડા પણ વ્યસ્ત છે. અખિલ ભારતીય અખાડા પરિષદ સાથે જોડાયેલા ૧૩ અખાડાઓના હજારો સંતો અને ઋષિઓ આજથી મહા કુંભમાં બનેલા તેમના શિબિરોમાં પ્રવેશવાનું શ કરશે. અખાડાઓમાં બનેલા સાધુઓના પડાવને છાવણી તરીકે સંબોધવામાં આવે છે. આજે સવારે હાથી–ઘોડા, ઐંટ, પગપાળા અને વિવિધ વાહનોમાં બેસી મહાકુંભ શિબિરમાં પ્રવેશ કરશે.
મળતી માહિતી મુજબ જુના અખાડાના સંતો મૌજગીરી આશ્રમથી ત્રિવેણી માર્ગ પર અખાડા શિબિર માટે રવાના થશે. જેમાં સંત, મહંત, મહામંડલેશ્વર, જગદગુ અને નાગા સતં પેશવાઈ છાવણી પ્રવેશનું મુખ્ય આકર્ષણ હશે. ઋષિ–મુનિઓ રથ, ગાડા અને ઘોડા પર સવાર થઈને શાહી શૈલીમાં કૂચ કરશે. પંજાબ, દિલ્હી, હરિયાણા અને ઉત્તરાખંડના ડીજે અને બેન્ડ પણ તેમાં સામેલ થશે. કુંભ સાથે જોડાયેલા અધિકારીઓના જણાવ્યા અનુસાર અખાડાના મહામંડલેશ્વર ચાંદીની ગાદી પર સવારી કરશે. યારે નાગા સંતો ઘોડા પર સવાર થઈને આગળ ચાલશે. આ પેશવાઈ જૂના અખાડાના આચાર્ય મહામંડલેશ્વર અવધેશાનદં ગિરીના નેતૃત્વમાં બહાર આવશે. યારે આશ્રયદાતા હરિ ગીરી અને પ્રમુખ મહતં પ્રેમગીરી મહારાજ વ્યવસ્થા સંભાળશે. જુના અખાડાની તૈયારીઓ માટે પાલખી તેમજ રથ તૈયાર કરવામાં આવી રહ્યા છે.

મહાકુંભ માટે કેમ્પની તૈયારીનું કામ પૂરજોશમાં
હાલમાં મહાકુંભ માટે અખાડાઓની શિબિરો તૈયાર કરવાનું કામ પૂરજોશમાં ચાલી રહ્યું છે. આ કામમાં મોટી સંખ્યામાં કારીગરો રોકાયેલા છે. આ શિબિરો ભારતીય આધ્યાત્મિક પરંપરા અને મૂળભૂત સુવિધાઓને ધ્યાનમાં રાખીને તૈયાર કરવામાં આવી રહી છે. અખાડા સાથે જોડાયેલા સાધુ અને સંતો આ શિબિરોમાં રહી શકશે. આ ઉપરાંત મહા કુંભના દર્શન માટે જતા સંતો–મુનિઓ પણ ત્યાં જઈને દર્શન કરી શકશે