ઇથોપિયાના દૂરના વિસ્તારમાં એક અકસ્માતમાં ઓછામાં ઓછા 66 લોકોના મોત થયા છે. ટ્રકમાં સવાર લોકો લગ્ન પ્રસંગમાં હાજરી આપવા જઈ રહ્યા હતા. આ દુર્ઘટનામાં 64 લોકોના ઘટનાસ્થળે જ મોત થયા હતા, જ્યારે બે લોકોના હોસ્પિટલમાં મોત થયા હતા.

ઇથોપિયાના દૂરના વિસ્તારમાં એક અકસ્માતમાં ઓછામાં ઓછા 66 લોકોના મોત થયા છે. ટ્રકમાં સવાર લોકો લગ્ન પ્રસંગમાં હાજરી આપવા જઈ રહ્યા હતા. આ દુર્ઘટનામાં 64 લોકોના ઘટનાસ્થળે જ મોત થયા હતા, જ્યારે બે લોકોના હોસ્પિટલમાં મોત થયા હતા.

આફ્રિકન દેશ ઈથોપિયાના એક દૂરના વિસ્તારમાં રવિવારે એક મોટી દુર્ઘટના થઈ. અહીં ટ્રક પુલ પરથી નીચે નદીમાં પડી હતી. આ અકસ્માતમાં ઓછામાં ઓછા 66 લોકોના મોત થયા છે. જેમાંથી 64 લોકોના ઘટનાસ્થળે જ મોત થયા હતા, જ્યારે બેના મોત હોસ્પિટલમાં થયા હતા.

ટ્રકમાં સવાર લોકો લગ્ન પ્રસંગમાં હાજરી આપવા જઈ રહ્યા હતા ત્યારે આ અકસ્માત સર્જાયો હતો. ટ્રક જૂની અને જર્જરિત હાલતમાં હતી, જેના કારણે પુલ પાર કરતી વખતે તેણે સંતુલન ગુમાવ્યું હતું અને નદીમાં પડી હતી. સ્થાનિક ગ્રામજનોએ જણાવ્યું કે આ વિસ્તારમાં અગાઉ પણ અનેક અકસ્માતો થયા છે.

રાહત અને બચાવ કામગીરીમાં વિલંબ

રાહત અને બચાવ કામગીરીમાં વિલંબથી સ્થિતિ વધુ ગંભીર બની હતી. ઘાયલ લોકોને તાત્કાલિક મદદ ન મળી, જેના કારણે મૃત્યુઆંક વધી ગયો. ગંભીર રીતે ઘાયલ દર્દીઓને સારી સારવાર માટે મોટી હોસ્પિટલોમાં મોકલવામાં આવ્યા છે. સ્થાનિક લોકોના જણાવ્યા અનુસાર પુલ અને આસપાસના રસ્તાઓ ખૂબ જ ખરાબ હાલતમાં છે. તેમણે અગાઉ પણ આ જગ્યાને સુરક્ષિત બનાવવા માટે પ્રશાસનને માંગ કરી હતી, પરંતુ કોઈ કાર્યવાહી કરવામાં આવી ન હતી.