યુએસ ઉપાધ્યક્ષ જે.ડી. વાન્સ આ દિવસોમાં સમાચારમાં છે. વાન્સે તાજેતરમાં જ તેમની પત્ની ઉષાના હિન્દુ ધર્મ અંગે નિવેદન આપ્યું હતું. વાન્સે કહ્યું, મારી એક ઇચ્છા છે કે, મારી પત્ની ઉષા વાન્સ, કે જેનો ઉછેર હિન્દુ ધર્મમાં થયો હતો, તે હવે કેથોલિક ચર્ચથી પ્રભાવિત થઈને ખ્રિસ્તી ધર્મ અપનાવે.જે નિવેદન સામે હિન્દુ અમેરિકન ફાઉન્ડેશને નારાજગી ઠાલવી છે અને ફાઉન્ડેશનના ડિરેક્ટર સુહાગ શુક્લા તરફથી એક નિવેદન બહાર પાડવામાં આવ્યું છે.જેમાં તેમને જણાવ્યું હતું કે વાન્સે હિન્દુ ધર્મનું અપમાન કર્યું છે. તેમણે કહ્યું કે વાન્સે હિન્દુ પરંપરાઓને પૂરતી સારી નથી એમ કહીને અપમાન કર્યું છે.

સુહાગ શુક્લાએ લખ્યું, "અમેરિકાના ઉપરાષ્ટ્રપતિએ કહ્યું કે તેમની પત્ની અને લાખો અમેરિકનો જે હિન્દુ પરંપરાઓનું પાલન કરે છે તે પૂરતી સારી નથી. જે ​​વ્યક્તિ બધા અમેરિકનોના રાષ્ટ્રપતિ બનવા માંગે છે, તેના માટે આવી ટિપ્પણી એ જીતવાની રણનીતિ નથી.તે જ સમયે, વેન્સ પર તેમની પત્ની અને તેમના હિન્દુ ધર્મનું અપમાન કરવાનો આરોપ મૂકવામાં આવ્યો હતો, ઘણા લોકોએ તેને મેક અમેરિકા ગ્રેટ અગેઇનના સમર્થન આધારને ખુશ કરવાનો પ્રયાસ ગણાવ્યો હતો.

વેન્સે તેમની પત્નીના ધર્મ વિશે શું કહ્યું

વેન્સે કહ્યું,મારી પત્નીનો ઉછેર ખ્રિસ્તી પરિવારમાં થયો ન હતો. મને લાગે છે કે તે હિન્દુ પરિવારમાં ઉછરેલી છે. જ્યારે હું મારી પત્નીને મળ્યો, ત્યારે હું મારી જાતને નાસ્તિક માનતો હતો, અને મને લાગે છે કે તે પણ પોતાને તે રીતે માનતી હતી.વેન્સે સમજાવ્યું કે તેમના બાળકો ખ્રિસ્તી ધર્મમાં ઉછર્યા છે. તેમણે કહ્યું, "અમારા બે મોટા બાળકો ખ્રિસ્તી શાળામાં ભણે છે. મેં તેણીને કહ્યું છે અને જાહેરમાં કહ્યું છે - અને હવે હું મારા દસ હજાર નજીકના મિત્રોની સામે કહું છું - મને આશા છે કે એક દિવસ તે પણ એ જ બાબતોથી પ્રેરિત થશે જે મને ચર્ચમાં પ્રેરણા મળી હતી. હા, સાચું કહું તો, મને આશા છે. કારણ કે હું ખ્રિસ્તી ગોસ્પેલમાં માનું છું, મને આશા છે કે એક દિવસ મારી પત્ની પણ તેને તે રીતે જોશે. પરંતુ, જો તે ન માને, તો ભગવાને કહ્યું છે કે દરેકને સ્વતંત્રતા છે - તેથી તે મારા માટે કોઈ સમસ્યા નથી.

સુહાગ શુક્લાની પોસ્ટ પર વિવાદ

વાન્સે હિન્દુ ધર્મનો સીધો ઉલ્લેખ કર્યો ન હતો, પરંતુ તેણે ઉષા વાન્સને નાસ્તિક ગણાવી હતી, જોકે વાન્સે અગાઉ કહ્યું હતું કે તે ધાર્મિક હિન્દુ પરિવારમાંથી આવે છે. ઘણા લોકોએ સુહાગ શુક્લાની પોસ્ટ પર સવાલ ઉઠાવતા કહ્યું કે જેડી વાન્સે હિન્દુ ધર્મ વિશે કંઈ કહ્યું નથી. સુહાગ શુક્લાએ પોતાના વલણનો બચાવ કરતા કહ્યું કે, તેમની પત્નીના ધર્માંતરણની આશા વ્યક્ત કરીને, વાન્સે એક હાનિકારક અને બિન-અમેરિકન સંકેત આપ્યો કે હિન્દુ પરંપરાઓ તેમના માટે પૂરતી નથી.