આજકાલ દરેક ઘરમાં ચીઝનો ઉપયોગ વધી રહ્યો છે. પછી ભલે તે પિઝા હોય, પાસ્તા હોય, સેન્ડવીચ હોય કે કોઈ પણ ફ્યુઝન વાનગી. ચીઝ ફક્ત બાળકોને જ નહીં પણ વડીલોને પણ ભાવતી વસ્તુ છે. બજારમાં અનેક પ્રકારની ચીઝ પણ ઉપલબ્ધ છે. જેમ કે મોઝેરેલા ચીઝ, ચેડર ચીઝ, સ્લાઈસ્ડ ચીઝ વગેરે. એટલા માટે જ્યારે આપણે સુપરમાર્કેટમાં ચીઝ ખરીદવા જઈએ છીએ, ત્યારે ઘણી વાર મૂંઝવણમાં પડી જઈએ છીએ કે મોઝેરેલા ચીઝ ખરીદવું કે ચેડર?

બંને વસ્તુઓ સ્વાદિષ્ટ છે પરંતુ તેનો સ્વાદ, ટેક્સચર, તેને તૈયારી કરવાની પદ્ધતિ અને હેલ્થ વેલ્યુ તદ્દન અલગ છે. જાણો મોઝેરેલા અને ચેડર ચીઝ વચ્ચે શું તફાવત છે અને કયું ચીઝ તમે બનાવેલી વાનગી કે ડાયટ માટે વધુ યોગ્ય છે.

1. મોઝેરેલા ચીઝ

મોઝેરેલા ચીઝ સફેદ રંગનું હોય છે અને તેમાં નરમ અને તે સ્ટ્રેચી હોય છે. તે પરંપરાગત રીતે ભેંસના દૂધમાંથી બનાવવામાં આવે છે. તેનો ઉપયોગ સામાન્ય રીતે પિઝા, પાસ્તા, લઝાનિયા અને ચીઝ બોલમાં થાય છે.

ફાયદા- આ ચીઝ ફ્રેશ હોય છે અને ભેંસના દૂધમાંથી બનાવવામાં આવે છે, તેથી તેમાં ફેટ ઓછુ હોય છે. તેમાં પ્રોટીન, કેલ્શિયમ અને ફોસ્ફરસ ભરપૂર માત્રામાં હોય છે, તેથી તે સરળતાથી પચી જાય છે.

2. ચેડર ચીઝ

ચેડર ચીઝ પીળા કે આછા નારંગી રંગનું હોય છે અને તેનો સ્વાદ થોડો ખારો હોય છે. તે ગાયના દૂધમાંથી બનાવવામાં આવે છે. તેનો ઉપયોગ સામાન્ય રીતે બર્ગર, ગ્રીલ્ડ સેન્ડવીચ, મેકરોની ચીઝ અને નાસ્તામાં થાય છે.

ફાયદા- ચેડર ચીઝ પ્રોટીન અને વિટામિન Aનો સારો સ્ત્રોત છે. ઉપરાંત, આ વસ્તુ કેલ્શિયમ અને ઝીંકથી ભરપૂર છે, જેના કારણે તે હાડકાં માટે પણ ફાયદાકારક છે.

સ્વાસ્થ્યની દ્રષ્ટિએ કયું સારું છે?

મોઝેરેલા ચીઝમાં ફેટ ઓછુ અને કેલરી ઓછી હોય છે, તેથી તે વજન ઘટાડવા માંગતા લોકો માટે સારું માનવામાં આવે છે. બીજી બાજુ, ચેડર ચીઝ સ્વાદમાં સમૃદ્ધ હોય છે પરંતુ તેમાં ચરબી અને સોડિયમ વધુ હોય છે, તેથી તેને મર્યાદિત માત્રામાં ખાવું જોઈએ.