બાંગ્લાદેશમાં અશાંતિના માહોલ વચ્ચે આજે સવારથી સામાન્ય ચૂંટણી માટે મતદાન શ થયું છે. જે આજે આખો દિવસ ચાલશે અને ત્યાર બાદ મત ગણતરી યોજાશે. મોટા વિરોધ પ્રદર્શનો બાદ ઓગસ્ટ ૨૦૨૪ માં શેખ હસીનાએ વડા પ્રધાન પદ છોડા પછી આ ચૂંટણી યોજાઈ રહી છે. દેશભરની ૨૯૯ બેઠક માટે સવારે ૭:૩૦ વાગ્યે મતદાન શ થયું હતું અને સાંજે ૪:૩૦ વાગ્યા સુધી ચાલુ રહેશે. મતદાન પૂર્ણ થયા પછી તરત જ મતગણતરી શ થવાની ધારણા છે. એક મતવિસ્તારમાં ઉમેદવારના મૃત્યુને કારણે મતદાન રદ કરવામાં આવ્યું છે. નેતા તારિક રહેમાને ઢાકામાં ગુલશન મોડેલ સ્કૂલ ખાતેના મતદાન મથક પર મતદાન કયુ. વચગાળાના સરકારના વડા મોહમ્મદ યુનુસે સવારે ૧૦:૦૦ વાગ્યે મતદાન કયુ હતું.. અન્ય પક્ષોના નેતાઓ પહેલાથી જ મતદાન કરી ચૂકયા છે.

આ વખતે, સામાન્ય ચૂંટણીની સાથે, ૮૪–મુદ્દાના મુખ્ય સુધારા પેકેજ પર લોકમત પણ યોજાઈ રહ્યો છે. મુખ્ય સ્પર્ધા બાંગ્લાદેશ નેશનાલિસ્ટ પાર્ટી અને તેના ભૂતપૂર્વ સાથી, જમાત–એ–ઇસ્લામી વચ્ચે છે. વચગાળાની સરકારના મુખ્ય સલાહકાર મોહમ્મદ યુનુસના નેતૃત્વ હેઠળ શેખ હસીનાની અવામી લીગને ગયા વર્ષે વિખેરી નાખવામાં આવી હતી અને પક્ષને ચૂંટણી લડવા પર પ્રતિબધં મૂકવામાં આવ્યો હતો.

૧૦ લાખ સુરક્ષા કર્મચારીઓ તૈનાત

ચૂંટણી પંચે ચૂંટણી માટે કડક સુરક્ષા વ્યવસ્થા કરી છે. લગભગ ૧૦ લાખ સુરક્ષા કર્મચારીઓ તૈનાત કરવામાં આવ્યા છે, જે દેશના ચૂંટણી ઇતિહાસમાં સૌથી મોટી તૈનાત માનવામાં આવે છે. ૫૦ રાજકીય પક્ષોના કુલ ૧,૭૫૫ ઉમેદવારો અને ૨૭૩ સ્વતત્રં ઉમેદવારો ચૂંટણી લડી રહ્યા છે. બીએનપી એ સૌથી વધુ ૨૯૧ ઉમેદવારો ઉભા રાખ્યા છે. ૮૩ મહિલા ઉમેદવારો પણ ચૂંટણી લડી રહી છે.મોહમ્મદ યુનુસે જણાવ્યું છે કે તેઓ ટૂંક સમયમાં ચૂંટાયેલી સરકારને સત્તા સોંપશે. તેમણે તમામ રાજકીય પક્ષો, ઉમેદવારો અને જનતાને મતદાનના દિવસે શાંતિ અને સંયમ જાળવવા અપીલ કરી છે.

મતદારોને ડર્યા વિના મતદાન કરવા મુખ્ય ચૂંટણી કમિશનરની અપીલ

રાષ્ટ્ર્ર જોગ સંદેશમાં, મુખ્ય ચૂંટણી કમિશનર એ.એમ.એમ. નસીદ્દીને મતદારોને ડર્યા વિના મતદાન કરવા અપીલ કરી હતી. તેમણે તમામ પક્ષો, ઉમેદવારો અને મતદારોને શાંતિ અને સુમેળનું વાતાવરણ જાળવવા વિનંતી કરી હતી. તેમણે એમ પણ કહ્યું હતું કે ૪૫ દેશો અને સંગઠનોના પ્રતિનિધિઓ, જેમાં અનેક આંતરરાષ્ટ્ર્રીય સંગઠનો પણ સામેલ છે, ચૂંટણી પર નજર રાખી રહ્યા છે.ચૂંટણી કમિશનર અબ્દુર આર. મછુદે જણાવ્યું હતું કે સુરક્ષા માટે લગભગ ૯૦૦,૦૦૦ સુરક્ષા કર્મચારીઓ તૈનાત કરવામાં આવ્યા છે. રાજધાની ઢાકાના અનેક વિસ્તારોમાં સશક્ર વાહનો અને ઝડપી પ્રતિભાવ દળો પણ તૈનાત કરવામાં આવ્યા છે. પોલીસના જણાવ્યા અનુસાર, ઢાકાના ૨,૧૩૧ મતદાન મથકોમાંથી ૧,૬૧૪ ને સંવેદનશીલ તરીકે વર્ગીકૃત કરવામાં આવ્યા છે, યારે સેનાએ શહેરના બે મતદાન મથકોને સંવેદનશીલ તરીકે જાહેર કર્યા છે

સુરક્ષા માટે પહેલી જ વાર ડ્રોન અને કપડાં પર લગાવેલા કેમેરાનો ઉપયોગ

પહેલીવાર, આ ચૂંટણીમાં સુરક્ષા માટે ડ્રોન અને કપડાં પર લગાવેલા કેમેરાનો ઉપયોગ કરવામાં આવી રહ્યો છે. ચૂંટણી પંચના ડેટા અનુસાર, આશરે ૧૨૭ મિલિયન મતદારોમાંથી ૩.૫૮ ટકા મતદારો પહેલી વાર મતદાન કરી રહ્યા છે. વધુમાં, લગભગ ૮૦૦,૦૦૦ નોંધાયેલા વિદેશી બાંગ્લાદેશીઓ પણ આઈટી–આધારિત પોસ્ટલ બેલેટ સિસ્ટમ દ્રારા પહેલી વાર મતદાન કરી શકશે

૧૨૭ મિલિયન મતદારો મતદાન કરશે

બાંગ્લાદેશ ચૂંટણી પંચના જણાવ્યા અનુસાર, ૨૯૯ સંસદીય બેઠકો માટે આશરે ૧૨૭.૭ મિલિયન નોંધાયેલા મતદારો મતદાન કરી રહ્યા છે. બંધારણીય, ચૂંટણીલક્ષી અને સંસ્થાકીય સુધારાઓના ૮૪–મુદ્દાના પેકેજ પર અભિપ્રાય મેળવવા માટે રાષ્ટ્ર્રીય લોકમત પણ ચાલી રહ્યો છે.બાંગ્લાદેશની ૨૦૨૬ની સંસદીય ચૂંટણીઓને વિવિધ દેશોના નિરીક્ષકો દ્રારા વિશ્વની પ્રથમ જનરેશન ઝી–પ્રેરિત ચૂંટણી તરીકે વર્ણવવામાં આવી રહી છે. આ રાજકીય પરિધ્શ્યને આકાર આપવામાં યુવા મતદારો અને કાર્યકરોની મહત્વપૂર્ણ ભૂમિકાને પ્રતિબિંબિત કરે છે. આ ચૂંટણી ૨૦૨૪ માં ભૂતપૂર્વ વડા પ્રધાન શેખ હસીનાને સત્તા પરથી દૂર કરવામાં આવ્યા પછી થઈ રહી છે. બળવામાં સામેલ ઘણા યુવા મતદારો માને છે કે ૨૦૦૯ પછી આ દેશની પ્રથમ ખરેખર સ્પર્ધાત્મક ચૂંટણી છે