હિંડનબર્ગ રિસર્ચના સ્થાપક નેટ એન્ડરસન જે અબજોપતિ ગૌતમ અદાણીના અબજો ડોલર ગુમાવવા પાછળ હતા, તેમણે કારણનો ખુલાસો કર્યો છે કે જેના કારણે કંપ્નીએ બિઝનેસ ટાયકૂનની ગતિવિધિ પર નજર રાખવાનું શરુ કર્યું. તેમણે જણાવ્યું કે અદાણી ગ્રુપને કેમ પસંદ કરવામાં આવ્યું, અમે શરૂઆતમાં મીડિયા લેખોમાં રેડ ફ્લેગ્સ જોયા એ પછી તેમના પર નજીકથી નજર નાખી અને ફક્ત પુરાવાઓનું પાલન કરતા રહ્યા.
નેટે કહ્યું કે અમે અમારા બધા સંશોધન તારણો પર 100 ટકા વિશ્વાસ રાખીએ છીએ.એન્ડરસને જણાવ્યું હતું કે હિંડનબર્ગનો જાન્યુઆરી 2023નો અહેવાલ જેમાં અદાણી ગ્રુપ પર કોર્પોરેટ ઇતિહાસમાં સૌથી મોટી છેતરપિંડી કરવાનો આરોપ મૂકવામાં આવ્યો હતો તે મીડિયા અહેવાલોમાં ગ્રુપ સામે ઉઠાવવામાં આવેલા રેડ ફ્લેગને અનુસરવાનું પરિણામ હતું.અદાણી ગ્રુપે વારંવાર રિપોર્ટમાંના તમામ આરોપોને નકારી કાઢ્યા હતા.
એન્ડરસન, જેઓ છેતરપિંડી કરી રહ્યા હોવાનો આરોપ લગાવતી કંપ્નીઓ સામે ઝીણવટભયર્િ વિગતવાર અહેવાલો માટે જાણીતા બન્યા હતા, તેમણે ગયા મહિને તેમની ફોરેન્સિક સંશોધન પેઢીની સ્થાપના કર્યાના લગભગ આઠ વર્ષ પછી તેને બંધ કરવાની જાહેરાત કરી હતી. તેમણે જણાવ્યું કે હું શા માટે નિવૃત્ત થયો તે અંગે - તે બધું પત્રમાં છે (16 જાન્યુઆરીના રોજ પ્રકાશિત થયેલા પત્રમાં હિંડનબર્ગ બંધ કરવાની જાહેરાત કરવામાં આવી હતી) - તે કોઈ ધમકી, સ્વાસ્થ્ય સમસ્યા, વ્યક્તિગત સમસ્યા અથવા અન્યથા આધારિત નથી.
તેમણે કહ્યું કે યુએસ ડિપાર્ટમેન્ટ ઓફ જસ્ટિસ અને/અથવા યુએસ એસઈસી દ્વારા મારી નિવૃત્તિ વિશે વાત ઉપજાવવા માટે તપાસની ધાર પર હોવા જેવા કાવતરાના સિદ્ધાંતો એ એક ઉત્તમ ઉદાહરણ છે કે હું પરિવાર, મિત્રો અને સારા સંગીત સાથે વધુ સમય માણવાને બદલે કેમ ખુશ છું.
હિંડનબર્ગે કહ્યું છે કે કંપ્નીઓને લક્ષ્ય બનાવતા અહેવાલો તૈયાર કરવા માટે તેના સ્થાપકને હેજ ફંડ સાથે જોડતા અનામી અહેવાલો પર યુએસ એસઈસી દ્વારા તેની તપાસ નથી ચાલી રહી. હિંડનબર્ગે આરોપ લગાવ્યો હતો કે અદાણી ગ્રુપે ટેક્સ હેવનમાં કંપ્નીઓના નેટવર્કનો ઉપયોગ કરીને તેની આવક વધારવા અને શેરના ભાવમાં ફેરફાર કર્યો હતો, જ્યારે દેવું વધી ગયું હતું. આ સમૂહે બધા દાવાઓને સખત રીતે નકારી કાઢ્યા હતા પરંતુ એક સમયે આ ભયંકર અહેવાલમાં તેના મૂલ્યમાં યુએસડી 150 બિલિયનથી વધુનો ઘટાડો થયો હતો, જે નુકસાન આખરે એક વર્ષ કરતાં વધુ સમયમાં તેને ભરપાઈ થયું હતું.
છેલ્લા કેટલાક વર્ષોમાં, હિંડનબર્ગ રિસર્ચે અદાણી ગ્રુપ સામે ઝુંબેશ શરૂ કરી હતી. 2023 થી પ્રકાશિત થયેલા તેના અહેવાલોને કારણે ભારતીય અબજોપતિને અબજો ડોલરનું નુકસાન થયું હતું. અદાણી અને તેમની કંપ્નીઓ દ્વારા બધા આરોપોને નકારી કાઢવામાં આવ્યા હતા.
એન્ડરસન દ્વારા અચાનક અને આશ્ચર્યજનક જાહેરાત રિપબ્લિકન કોંગ્રેસમેન, હાઉસ જ્યુડિશિયરી કમિટીના સભ્ય, ન્યાય વિભાગને અદાણી અને તેમની કંપ્નીઓની તપાસ સંબંધિત તમામ દસ્તાવેજો અને સંદેશાવ્યવહાર સાચવવા કહ્યું તેના થોડા દિવસોમાં જ આવી છે. આ મુદ્દો સુપ્રીમ કોર્ટ સમક્ષ ઉગ્ર બન્યો હતો, જેને હિંડનબર્ગ રિપોર્ટ પહેલાંના કેટલાક મુદ્દાઓ પર બજાર નિયમનકાર સેબી દ્વારા શરૂ કરાયેલી તપાસ સિવાય અન્ય કોઈ તપાસની જરૂર જણાતી નહોતી.
કેટલાક લોકો હિંડનબર્ગે રિપોર્ટને ભારત અને તેની વૃદ્ધિની વાત વિરુદ્ધ માને છે. તેના પર એન્ડરસને કહ્યું કે અમે હંમેશા ભારતની ક્ષમતામાં વિશ્વાસ રાખ્યો છે અને બજાર પારદર્શિતા અને મજબૂત કોર્પોરેટ ગવર્નન્સને મુખ્ય પરિબળો તરીકે જોઈએ છીએ, જે ભારતની વૃદ્ધિની વાતને વેગ આપી શકે છે. તેમણે કહ્યું કે અદાણી જૂથને શા માટે પસંદ કરવામાં આવ્યું. અમે શરૂઆતમાં મીડિયા લેખોમાં રેડ ફ્લેગની રૂપરેખા જોઈ, નજીકથી જોયું અને ફક્ત પુરાવાઓનું પાલન કરતા રહ્યા.
ઓસીસીઆરપી અને જ્યોર્જ સોરોસ સાથે હોવાના આરોપો પર તેમણે કહ્યું કે અલબત્ત નહીં પરંતુ અમારી પાસે મૂર્ખ કાવતરાના સિદ્ધાંતોમાં ન આવવાની નીતિ છે. જ્યારે 100થી વધુ પાનાના પુરાવા (અદાણી ગ્રુપ વિરુદ્ધ રિપોર્ટમાં રજૂ કરાયેલ) નો મુખ્ય પ્રતિભાવ એક મૂર્ખ કાવતરું છે, ત્યારે અમે તેને એક સંકેત તરીકે જોઈએ છીએ કે અમે સાચા હતા.
હિંડનબર્ગ રિપોટ્ર્સ પર ભારતમાં નિયમનકારી સંસ્થાઓના પ્રતિભાવ વિશે પૂછવામાં આવતા તેમણે કહ્યું કે અમે પારદર્શિતાની જરૂર હોય તેવા મુદ્દાઓ પર સંશોધન અને લેખન તરીકે અમારી ભૂમિકાને જોઈએ છીએ. બાકીનું અમારા હાથની બહાર છે. તેમણે હેજ ફંડ્સ સાથે અહેવાલો શેર કરવાના આરોપોને ફગાવી દેતા કહ્યું કે અમે હંમેશા અમારા બધા સંશોધન પર સંપૂર્ણ સંપાદકીય નિયંત્રણ જાળવી રાખ્યું છે.
તેમણે વધુમાં જણાવ્યું કે જેમ કે અમે અને ઘણા અન્ય યુએસ-સ્થિત શોર્ટ સેલર્સ વર્ષોથી જાહેર ઇન્ટરવ્યુમાં ચચર્િ કરી છે. અમારા મોડેલમાં અમારી પોતાની મૂડીનું રોકાણ કરવાનો અને ક્યારેક બેલેન્સ શીટ ભાગીદાર લાવવાનો પણ સમાવેશ થાય છે. આ અમારા ઉદ્યોગમાં સૌથી સામાન્ય વ્યવસાય મોડેલોમાંનું એક છે, તે બધા લાગુ કાયદાઓનું સંપૂર્ણપણે પાલન કરે છે અને અમે અમારા અહેવાલોમાં આ જાહેર કરીએ છીએ.