શિયાળો શરૂ થઈ ગયો છે,ત્યારે બારેમાસની સ્ફૂર્તિ ભરવાની આ મોસમ છે તેમ જણાવીને હેલ્થ એજ્યુકેશન એન્ડ ચેરીટેબલ ટ્રસ્ટ દ્વારા પોરબંદરવાસીઓને વોકિંગ માટે જાગૃત કરવામાં આવ્યા છે અને વધુને વધુ લોકો મોર્નિંગ માટે નીકળી પડે તેવી અપીલ થઈ છે. 
પોરબંદરની હેલ્થ એજ્યુકેશન એન્ડ ચેરીટેબલ ટ્રસ્ટના ચેરમેન રામદેવભાઈ મોઢવાડિયાએ જણાવ્યું હતુ કે, નસીબદાર પોરબંદરવાસીઓને શિયાળા દરમિયાન વોકિંગ માટે ચોપાટી ઉપરાંત અસ્માવતી રિવરફ્રન્ટ,ખીજડી પ્લોટમાં આવેલ મહારાણા નટવરસિંહજી ઉદ્યાન અને કમલાબાગમાં મોટી સંખ્યામાં લોકો સવારે વોકિંગ માટે જાય છે,ત્યારે વધુને વધુ શહેરીજનો વોકિંગ કરે તે ઇચ્છનીય છે. 
શિયાળા દરમિયાન વોકિંગ કરવાથી થતા લાભ વિશે માહિતી આપતા રામદેવભાઈ મોઢવાડિયાએ જણાવ્યું હતું કે,શિયાળામાં મોર્નિંગ વોક કરવાથી શરીરને ઘણા ફાયદા થાય છે. શિયાળાની ઠંડી હવામાં મોર્નિંગ વોક કરવાથી શરીરની રોગ પ્રતિકારક શક્તિ વધે છે, તણાવ ઓછો થાય છે, અને મન પ્રફુલ્લિત રહે છે. આ ઉપરાંત, મોર્નિંગ વોક કરવાથી શરીરને વિટામિન-ડી મળે છે, જે હાડકાના સ્વાસ્થ્ય માટે જરૂરી છે.
વધુમાં રામદેવભાઈ મોઢવાડિયાએ જણાવ્યું હતું કે, શિયાળાની ગુલાબી ઠંડીનો વિધિવત પ્રારંભ થઈ ચૂક્યો છે.શિયાળો એટલે માત્ર ઠંડી સહન કરવાની ઋતુ નહીં, પરંતુ બારેમાસ શરીરને સ્ફૂર્તિલું અને તંદુરસ્ત રાખવા માટેની શ્રેષ્ઠ મોસમ.આ તકે પોરબંદરની જાણીતી સંસ્થા ’હેલ્થ એજ્યુકેશન એન્ડ ચેરીટેબલ ટ્રસ્ટ’ દ્વારા શહેરના નાગરિકોને સ્વાસ્થ્ય પ્રત્યે વધુ સભાન બની, વહેલી સવારે વોકિંગ માટે બહાર નીકળવા ખાસ અનુરોધ કરવામાં આવ્યો છે.
ટ્રસ્ટના ચેરમેન  રામદેવભાઈ મોઢવાડિયાએ જણાવ્યું હતુ કે, પોરબંદરવાસીઓ ખરેખર નસીબદાર છે કે,તેમને કુદરતી સૌંદર્યથી ભરપુર એવા વોકિંગ ટ્રેક મળ્યા છે. શહેરમાં આવેલી ચોપાટી, રમણીય અસ્માવતી રિવરફ્રન્ટ, ખીજડી પ્લોટ સ્થિત મહારાણા નટવરસિંહજી ઉદ્યાન અને કમલાબાગ જેવા સ્થળોએ સવારના સમયે મોર્નિંગ વોકરોની ભીડ જોવા મળે છે તે આનંદની વાત છે. પરંતુ હજુ પણ વધુને વધુ લોકો આળસ ખંખેરીને આ સ્વાસ્થ્ય યજ્ઞમાં જોડાય તે અત્યંત આવશ્યક છે.
શિયાળામાં ચાલવાના ફાયદાઓ વિશે માહિતી આપતા રામદેવભાઈએ ઉમેર્યું હતું કે, ઠંડી હવામાં મોર્નિંગ વોક કરવાથી શરીરની રોગપ્રતિકારક શક્તિમાં નોંધપાત્ર વધારો થાય છે. સવારના કુમળા તડકામાંથી મળતું વિટામિન-ડી હાડકાંના સ્વાસ્થ્ય માટે અમૃત સમાન છે. આ ઉપરાંત, નિયમિત ચાલવાથી માનસિક તણાવ અને ચિંતા દૂર થાય છે, મન પ્રફુલ્લિત રહે છે અને વજન નિયંત્રણમાં રાખવામાં પણ મદદ મળે છે. ટૂંકમાં, શિયાળાનું વોકિંગ શરીરની કાર્યક્ષમતા વધારવા માટે શ્રેષ્ઠ ટોનિક છે.
વોકિંગનો પુરેપુરો લાભ લેવા માટે તેની સાચી પદ્ધતિ અપનાવવી પણ એટલી જ જરૂરી છે.વોકિંગ માટે જતાં પહેલાં આરામદાયક કપડાં અને યોગ્ય શૂઝની પસંદગી કરવી જોઈએ.વોક શરૂ કરતા પહેલાં થોડું ગરમ પાણી પીવું અને શરીરને વોર્મ-અપ કરવા સ્ટ્રેચિંગ કરવું હિતાવહ છે.શરૂઆત ધીમી ગતિએ કરી, બાદમાં મધ્યમ ગતિ જાળવી રાખવી અને ચાલતી વખતે શરીરની મુદ્રા  સીધી રાખવી જોઈએ.આ નાની-નાની બાબતોનું ધ્યાન રાખવાથી વોકિંગનો મહત્તમ ફાયદો મેળવી શકાય છે.
અંતમાં, રામદેવભાઈ મોઢવાડિયાએ પોરબંદરના તમામ વયના લોકોને હાકલ કરી છે કે, શિયાળાની આ ઋતુનો મહત્તમ લાભ લો. જેમ ખેડૂત ચોમાસામાં પાણીનો સંગ્રહ કરે છે,તેમ આપણે શિયાળામાં સ્વાસ્થ્યનો સંગ્રહ કરવાનો છે.તો ચાલો, સૌ સાથે મળીને નિયમિત મોર્નિંગ વોક કરીએ અને પોરબંદરને એક સ્વસ્થ અને તંદુરસ્ત શહેર બનાવીએ તેમ રામદેવભાઈ મોઢવાડિયાએ જણાવ્યું હતુ.