વાહન વેચો છો તેની ઘસારા બાદની કિંમત કરતા તેની વેચાણ કિંમત ઓછી હશે તો તેના પર પણ જીએસટી નહીં લાગેતો જૂના વાહનોના વેચાણ પર જીએસટી લાગુ પડતો નથી, એમ સૂત્રોએ જણાવ્યું હતું. સૂત્રોએ વધુમાં જણાવ્યું હતું કે ફક્ત નોંધાયેલા વ્યક્તિઓ જેમ કે જૂના અને વપરાયેલા વાહનોની ખરીદી અને વેચાણમાં સામેલ વ્યવસાયો, માર્જિન પર જીએસટી ચૂકવવા માટે જવાબદાર છે. શનિવારે યોજાયેલી જીએસટી કાઉન્સિલની બેઠકમાં, કાઉન્સિલે ઇલેક્ટ્રિક વાહનો સહિત તમામ જૂના અને વપરાયેલા વાહનોના વેચાણના માર્જિન પર 18 ટકા જીએસટીની ભલામણ કરી હતી. અથર્તિ જો તમે જે વાહન વેચો છો તેની ઘસારા બાદની કિમત કરતા તેની વેચાણ કીમત ઓછી હશે તો તેના પર જીએસટી નહીં લાગે. અગાઉ, જૂના વાહનો અને જૂની ઇલેક્ટ્રિક વેહિકલ્સ ના વેચાણ પર અલગ અલગ જીએસટી દર લાગુ પડતા હતા.
ઉદાહરણ તરીકે, જો કોઈ નોંધાયેલ વ્યક્તિ 10 લાખ રૂપિયામાં જૂનું અને વપરાયેલું વાહન વેચે છે, જ્યાં વાહનની ખરીદી કિંમત 20 લાખ રૂપિયા હતી અને 8 લાખ રૂપિયાનો ઘસારો દાવો કરવામાં આવ્યો છે, તો કોઈ જીએસટી ચૂકવવાની જરૂર નથી. આનું કારણ એ છે કે સપ્લાયરનું માર્જિન જે વેચાણ કિંમત (10 લાખ રૂપિયા) અને અવમૂલ્યન મૂલ્ય (12 લાખ રૂપિયા એટલે કે 20 લાખ રૂપિયા - 8 લાખ રૂપિયા) વચ્ચેનો તફાવત છે, તે નકારાત્મક છે.