ઈશા અંબાણીએ તેનું ઘર લગભગ રૂ. 500 કરોડ ($61 મિલિયન)માં વેચી દીધું છે. આ ઘર અમેરિકાના લોસ એન્જલસના પોશ વિસ્તાર બેવર્લી હિલ્સમાં આવેલું છે. ઈશા અંબાણીના આ બંગલાને હોલીવુડના ફેમસ કપલ જેનિફર લોપેઝ અને બેન એફ્લેકે ખરીદ્યો છે.

ઈશા અંબાણીના આ ઘરમાં 12 બેડરૂમ, 24 બાથરૂમ, ઇન્ડોર પિકલબોલ કોર્ટ, જિમ, સલૂન, સ્પા, 155 ફૂટનો પૂલ અને બીજી ઘણી આધુનિક સુવિધાઓ છે. જ્યારે ઈશા અંબાણી પ્રેગ્નન્ટ થઈ ત્યારે તેણે પોતાનો મોટાભાગનો સમય આ ઘરમાં જ પસાર કર્યો હતો. આ ઘરમાં તેની માતા નીતા અંબાણી પણ તેની સાથે રહેતી હતી. હવે તેણે તેને વેચવાનો નિર્ણય કર્યો છે. જેનિફર લોપેઝ અને બેન એફ્લેકે આ ઘર ખરીદ્યા બાદ આ ડીલ ચર્ચામાં આવ્યા છે. આ ઘર અંદાજે 5.2 એકરમાં ફેલાયેલું છે. તેમાં તમામ લક્ઝરી સુવિધાઓ છે. ઘરની બહાર એક પેવેલિયન, કિચન અને લૉન પણ છે.

રિપોર્ટ અનુસાર, બેવર્લી હિલ્સના આ બંગલાની ડીલ થઈ છે. અંબાણી પરિવારના ઘર હંમેશા સમાચારોમાં રહે છે. મુકેશ અંબાણીએ મુંબઈમાં બહુમાળી ઘર પણ બનાવ્યું છે. તે એન્ટિલિયા તરીકે ઓળખાય છે. ઈશા અંબાણીએ આનંદ પીરામલ સાથે લગ્ન કર્યા છે. આનંદના માતા-પિતા અજય પીરામલ અને સ્વાતિ પિરામલે તેને 2018માં લગ્નની ભેટ તરીકે મુંબઈમાં એક વૈભવી ઘર આપ્યું હતું, જે 'ગુલિતા' તરીકે ઓળખાય છે.