દુનિયામાં એવા ઘણા લોકો છે જેમને ટ્રાવેલ કરવાનું પસંદ છે અને આ માટે ઘણાએ પોતાની નોકરી પણ છોડી દીધી છે. એટલું જ નહીં, કેટલાક લોકોએ મુસાફરી કરવા માટે પોતાનું ઘર અને આખી સંપત્તિ પણ વેચી દીધી છે અને કાર અથવા બસને પોતાનું ઘર બનાવી લીધું છે અને તેની સાથે આખી દુનિયાની મુસાફરી કરી રહ્યા છે. તાજેતરના સમયમાં આવા ઘણા કિસ્સાઓ સાંભળવા મળ્યા છે. સામાન્ય રીતે લોકો પ્લેન અથવા ક્રુઝ દ્વારા વિદેશ પ્રવાસ કરે છે, પરંતુ આજકાલ એક મહિલા સમાચારમાં છે જેણે માત્ર 3 સેકન્ડમાં ત્રણ દેશોની મુલાકાત લીધી છે.
સોશિયલ મીડિયા પર એક વીડિયો પણ વાયરલ થઈ રહ્યો છે, જેમાં એક મહિલા 3 સેકન્ડમાં ત્રણ દેશોની યાત્રા કરતી જોઈ શકાય છે. મહિલા જંગલ જેવી જગ્યાએ હાજર છે અને ત્યાં એક ગોળ સિમેન્ટવાળી જમીન પર ત્રણ વખત રાઉન્ડમાં કુદે છે અને જાણે યુદ્ધ જીતી ગઈ હોય તેમ ખુશ થઈ જાય છે. હકીકતમાં, જ્યારે મહિલાએ પહેલો કૂદકો માર્યો, ત્યારે તે સીધી બેલ્જિયમમાં પ્રવેશી, બીજા જમ્પ સાથે, તે નેધરલેન્ડની સરહદમાં પ્રવેશી. એ જ રીતે, ત્રીજો કૂદકો લગાવ્યા પછી, તે જર્મનીમાં પ્રવેશી. આ રીતે તેણે માત્ર ત્રણ સેકન્ડમાં ત્રણ દેશોની મુલાકાત લીધી છે.
આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર શેર કરવામાં આવ્યો છે, જેને અત્યાર સુધીમાં 3.5 મિલિયન એટલે કે 35 લાખ વખત જોવામાં આવ્યો છે, જ્યારે 1 લાખ 45 હજારથી વધુ લોકોએ વીડિયોને લાઈક પણ કર્યો છે.
વીડિયો જોયા પછી, લોકોએ વિવિધ પ્રકારની પ્રતિક્રિયાઓ આપી છે. કોઈ મજાકમાં કહી રહ્યું છે કે 'આ પાસપોર્ટ વગર ગેરકાયદેસર મુસાફરી છે' તો કોઈ કહી રહ્યું છે કે 'ક્યારેક ઉત્તર કોરિયા અને દક્ષિણ કોરિયામાં પણ આવું કરવાનો પ્રયાસ કરી જુઓ'. એક યુઝરે કમેન્ટમાં કહ્યું છે કે 'બ્રાટિસ્લાવા પણ એક એવું શહેર છે જ્યાં ત્રણ દેશોની સરહદો મળે છે. આ દેશો છે ચેકિયા, ઓસ્ટ્રિયા અને હંગેરી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationસાગર ચોક પાસે વાહન ચોર ઝડપાયો ચોરાઉ એક્સેસ અને એક્ટિવા કબજે
May 06, 2024 03:37 PMદુનિયામાં પાણી પછી લોકો સૌથી વધારે પીવે છે આ પીણું
May 06, 2024 03:37 PMઇન્દિરાનગરમાં વાહનમાં તોડફોડ કરી આધેડ પર તિક્ષણ હથિયારથી હુમલો
May 06, 2024 03:35 PMઆણંદપરમાં પારકા ઝઘડામાં વચ્ચે પડતા યુવાન પર 4 શખસોનો હુમલો
May 06, 2024 03:34 PMજેતપુરમાં સાડીના કારખાનામાંથી ૪૦૬૮ બોટલ વિદેશી દા ઝડપાયો
May 06, 2024 03:34 PMCopyright © 2023-2024 Aajkaal Daily
Developed by Rhythm Infotech