દેવભૂમિ દ્વારકા: નંદાણા પાટીયા પાસેથી રોયલ્ટી વગર રેતી ભરેલું ટ્રેક્ટર ઝડપાયું

August 05, 2026 12:25 PM

↵

પશ્ર્ચિમ બંગાળના ચાલક સામે કાર્યવાહી

દેવભૂમિ દ્વારકા જિલ્લામાં ખનીજ ચોરીની પ્રવૃત્તિઓ નાબૂદ કરવા અંગે મળેલી સૂચનાઓ મુજબ કલ્યાણપુર પોલીસ દ્વારા પેટ્રોલિંગ દરમિયાન ગેરકાયદેસર રેતી વહન કરતા એક ટ્રેક્ટરને પકડી પાડી કાયદેસરની કાર્યવાહી હાથ ધરવામાં આવી છે.

રાજકોટ વિભાગના નાયબ પોલીસ મહાનિરીક્ષક નિર્લપ્ત રાય તથા દેવભૂમિ દ્વારકા જિલ્લા પોલીસ અધીક્ષક જયરાજસિંહ વાળા અને નાયબ પોલીસ અધીક્ષક સાગર રાઠોડ દ્વારા ખનીજ ચોરી આચરનારાઓ સામે કડક કાર્યવાહી કરવા આપેલી સૂચના અનુસાર કલ્યાણપુર પોલીસ સ્ટેશનના પી.આઈ. આર.એન. હાથલીયાના માર્ગદર્શન હેઠળ પોલીસ સ્ટાફ કાર્યરત હતો. આ દરમિયાન ભાટીયા આઉટપોસ્ટના પી.એસ.આઈ. કે.પી. ઝાલા તથા સ્ટાફના માણસો પેટ્રોલિંગમાં હતા ત્યારે નંદાણા ગામના પાટીયા પાસે રોડ પરથી પસાર થઈ રહેલા એક ટ્રેક્ટરને રોકીને તપાસ કરવામાં આવી હતી.

પોલીસ તપાસ દરમિયાન ટ્રેક્ટર ચાલક પાસે ટ્રેક્ટરની ટ્રોલીમાં ભરેલી રેતી અંગે કોઈ આધાર, પાસ-પરમિટ કે રોયલ્ટી પાસ મળી આવ્યા ન હતા. બિનઅધિકૃત રીતે ખનીજનું વહન કરતા ટ્રેક્ટર રજીસ્ટ્રેશન નંબર ૠઉં-૦૮-ઇઇ-૭૪૦૭ ના ચાલક નસરૂલ તજમુલ સબજી (ઉંમર ૨૯, હાલ રહે. ગણેશગઢ, તા. કલ્યાણપુર, મૂળ રહે. પશ્ચિમ બંગાળ) ને ટ્રેક્ટર તથા ટ્રોલી સાથે ઝડપી પાડવામાં આવ્યો હતો અને તેની સામે કલ્યાણપુર પોલીસ સ્ટેશન ખાતે કાયદેસરની કાર્યવાહી કરવામાં આવી છે. આ સમગ્ર કામગીરી કલ્યાણપુર પોલીસ સ્ટેશનના અધિકારીઓ અને કર્મચારીઓ દ્વારા પાર પાડવામાં આવી હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

દેવભૂમિ દ્વારકા: નંદાણા પાટીયા પાસેથી રોયલ્ટી વગર રેતી ભરેલું ટ્રેક્ટર ઝડપાયું

Recent News

Gujarat's No. 1 evening newspaper