મતદારયાદી સઘન સુધારણા કાર્યક્રમ ૨૦૨૬ અંતર્ગત દ્વારકા ખાતે પ્રાંત અધિકારીશ્રીએ રાજકીય પક્ષોના પ્રતિનિધિઓ સાથે બેઠક યોજી

November 03, 2025 04:59 PM

ભારતના ચૂંટણી પંચ, નવી દિલ્હીના તા.૨૭-૧૦-૨૦૨૫ના પત્રથી તા.૦૧-૦૧-૨૦૨૬ની લાયકાતની તારીખના સંદર્ભમાં મતદારયાદી ખાસ સઘન સુધારણા કાર્યક્રમ-૨૦૨૬ જાહેર કરવામાં આવ્યો છે. જે તા.૦૭-૦૨-૨૦૨૬ સુધી ચાલશે.

મતદારયાદી ખાસ સઘન સુધારણા કાર્યક્રમ અંતર્ગત દેવભૂમિ દ્વારકા જિલ્લામાં દ્વારકા ખાતે પ્રાંત અધિકારીશ્રી તેમજ ૮૨ દ્વારકા વિધાનસભા મતવિસ્તારના મતદાર નોંધણી અધિકારીશ્રી અમોલ આવતેએ રાજકીય પક્ષોના પ્રતિનિધિઓ સાથે બેઠક યોજી હતી અને રાજકીય પક્ષોના પ્રતિનિધિઓને આ કાર્યક્રમ અંગે માહિતગાર કર્યા હતા.

જો કોઈ મતદાર મળી નહિ આવે તો BLO દ્વારા દરેક મતદારના ઘરે ઓછામાં ઓછી ત્રણ વખત મુલાકાત લેવાશે. મતદારયાદીના ખાસ સઘન સુધારણા કાર્યક્રમ દરમિયાન મૃત્યુ, કાયમી સ્થાળાંતરીત અને ડુપ્લિકેટ મતદારોને દુર કરવામાં આવશે અને નવા લાયક મતદારોને ઉમેરવામાં આવશે. દેવભૂમિ દ્વારકા જિલ્લાના તમામ મતદાન મથકોમાં સમાવિષ્ટ તમામ મતદારોની ખરાઈ તા.૦૪-૧૧-૨૦૨૫ થી બુથ લેવલ ઓફિસર દ્વાર શરૂ થનાર છે. સને-૨૦૦૨ની મતદારયાદીનાં સંદર્ભમાં થનાર આ કાર્યક્રમમાં મતદારો https://voters.eci.gov.in પરથી અગાઉના સઘન સુધારણા કાર્યક્રમ-૨૦૦૨માં પોતાનું નામ ચકાસી શકશે. બુથ લેવલ અધિકારી દ્વારા તમામ મતદારોનાં ઘરે જઈને Enumeration Form અપાશે તથા ફોર્મ ભરવા જરૂરી માર્ગદર્શન આપશે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

Recent News

Gujarat's No. 1 evening newspaper