જામનગર શહેરમાં વાહનની હડફેટે મહિલાનું મોત

May 21, 2026 11:41 AM

રણજીતસાગર રોડ પર બનેલો બનાવ : અજાણ્યા વાહનચાલકની શોધખોળ

જામનગરના રણજીતસાગર રોડ, બાયપાસથી પવનચકકી મારવાડીવાસના ઢાળીયા સામેના માર્ગ પર ચાર દિવસ પહેલા કોઇ અજાણ્યા વાહનના ચાલકે વૃઘ્ધ મહિલાને હડફેટે લઇ ગંભીર ઇજા પહોચાડી મોત નિપજાવીને નાશી ગયો હતો જે બાબતે ગઇકાલે ફરીયાદ કરવામાં આવતા પોલીસ દ્વારા તપાસ કરવામાં આવી રહી છે.

મુળ લાલપુર તાલુકાના રકકા ગામના વતની અને હાલ લાલપુર બાયપાસ સપના હોટલ પાછળ ઝુપડપટ્ટી ખાતે રહેતા મજુરી કરતા ગોગન દેવાભાઇ માણદરીયા (ઉ.વ.૫૬) એ ગઇકાલે સીટી-એ ડીવીઝનમાં અજાણ્યા વાહનના ચાલક સામે પોલીસ ફરીયાદ નોંધાવી છે.

જેમાં જણાવ્યુ છે કે ગત તા. ૧૬-૫-૨૬ના સમય દરમ્યાન લાલપુર બાયપાસથી પવનચકકી રોડ મારવાડી વાસના ઢાળીયા સામે ફરીયાદીના માતા બચુબેનને રોડ પર કોઇ અજાણ્યા વાહનચાલકે બેફીકરાઇથી ચલાવીને હડફેટે લઇ પછાડી દઇને માથાની પાછળના ભાગે ગંભીર ઇજા કરી મોત નિપજાવી નાશી ગયો હતો.જે ફરીયાદના આધારે પીએસઆઇ રામાનુજ તપાસ ચલાવી રહયા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેરમાં વાહનની હડફેટે મહિલાનું મોત

Recent News

Gujarat's No. 1 evening newspaper