પોરબંદરના  આદિત્યાણા ગામે વીડિયો શુટીંગનો વ્યવસાય કરતા ઇસમ ઉપર ત્રણ ઇસમોએ ધારિયા અને પાઇપ વડે હુમલો કરતા પોલીસ  ફરિયાદ દાખલ થઇ છે. આદિત્યાણાના ખરાવાડ વિસ્તારમાં રહેતા  મહમ્મદ અબુ શેઠા નામના ૩૫ વર્ષના યુવાને એવી પોલીસ  ફરિયાદ નોંધાવી છે કે તે વીડિયોશુટીંગનો વ્યવસાય કરે છે અને પચીસેક દિવસ પહેલા તેના કૌટુંબીક કાકા ઉમર તૈયબ શેઠાના  ઘરે લગ્નપ્રસંગ હોવાથી ફરિયાદી મહમ્મદ ત્યાં વીડિયો શુટીંગ માટે ગયો હતો ત્યારે ઇસ્માઇલ આમદ મુંદ્રા, યુનુસ ઇબ્રાહીમ મુંદ્રા અને ગુલામ હુસેન હા‚ન મુંદ્રા સાથે જે તે વખતે   વીડિયો શુટીંગ કરવા બાબતે બોલાચાલી થઇ હતી.
તા. ૧૬-૫ના સાંજે ૫:૩૦ કલાકે આદિત્યાણાની મુખ્ય બજારમાં મહમ્મદ શેઠા હતો ત્યારે ત્રણે ઇસમો ઇસ્માઇલ આમદ મુદ્રા ઉર્ફે સાંભો, યુનુસ ઇબ્રાહીમ મુંદ્રા અને ગુલામ હુસેન હા‚ન મુંદ્રા લોખંડના પાઇપ અને ધારિયા સાથે આવી પહોંચ્યા હતા અને મહોમ્મદ ઉપર ઘાતક હુમલો કરી ગાળો દઇ હત્યાની ધમકી આપી હતી. તેથી એ તમામ સામે ગુન્હો દાખલ થતા આગળની તપાસ રાણાવાવ પોલીસ ચલાવી રહી છે.