કાલાવડમાં યુવાન પર ધોકાથી હુમલો કરી ધમકી દીધી

April 24, 2025 09:56 AM

વોકળામાંથી માટી ભરવાનું મનદુ:ખ : બે સામે પોલીસ ફરીયાદ

કાલાવડના કૈલાશનગરમાં શેઢા પાસે વોકળામાંથી માટી ભરવાના મનદુ:ખના મામલે એક યુવાન પર ધોકાથી હુમલો કરી ધમકી દેવા સબબ બે શખ્સ સામે ફરીયાદ કરવામાં આવી છે.

કાલાવડના જશાપર ગામના વતની હાલ કૈલાશનગરમાં રહેતા ખેતીકામ કરતા હિરેન મનોજભાઇ સાવલીયા (ઉ.વ.૨૫) નામના યુવાને કાલાવડ ટાઉન પોલીસમાં કૈલાશનગરમાં રહેતા મયુર નરશી સાવલીયા તથા નરશી ગોરધનભાઇ સાવલીયા નામના બે ઇસમ વિરૂઘ્ધ ફરીયાદ નોંધાવી છે.

આરોપી મયુર ઘર પાસે જોર જોરથી બોલતો હોય જેથી ફરીયાદી અને તેના બાપુજી ઘરની બહાર નીકળતા આરોપીએ ફરીયાદીને તમો મારા શેઢે આવેલ વોકળામાંથી માટી-તાસ કેમ ભરેલ છે તેમ કહી અપશબ્દો બોલ્યા હતા આથી ફરીયાદી અને તેના પિતા આરોપીના ઘરે જઇ અમોએ માટી ભરેલ નથી તેમજ અપશબ્દો બોલવાની ના પાડતા આરોપી નરશીભાઇ ઉશ્કેરાઇ અપશબ્દો બોલવા લાગ્યા હતા.

દરમ્યાન મયુરે ઘરની બહાર પડેલો ધોકો ફરીયાદીને પગમાં ઝીંકી દીધો હતો, ઢીકાપાટુનો માર માર્યો હતો અને જાનથી મારી નાખવાની ધમકી દીધી હતી આમ બંનેએ એકબીજાને મદદગારી કરી હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application