મધુરમ રેસીડેન્સીમાં પિતા-પુત્ર સાથે બોલાચાલી કરી ધોકો ઝીંકયો

જામનગરના ઇન્દીરા સોસાયટીમાં ઉભરાતી ગટર પાસે હેઠવાડ ન નાખવા સમજાવતા ઉશ્કેરાયેલા શખ્સે દંપતિને ધોકા વડે માર માર્યો હતો, તેમજ મધુરમ રેસીડેન્સી પાસે પિતા-પુત્રને માર માયર્નિી આ વિસ્તારમાં રહેતા એક શખ્સ સામે ફરીયાદ કરવામાં આવી છે.

જામનગરના નવાગામ ઘેડ, ઇન્દીરા સોસાયટીમાં રહેતા અશ્ર્વીનીબેન પ્રદિપભાઇ ચૌહાણ (ઉ.વ.24) નામની યુવતિના ઘરની સામે ગટર હોય જે ઉભરાતી હોય ત્યાં આરોપીની માતાને હેઠવાડો ન નાખવાનું સમજાવતા આરોપીએ આ બાબતનો ખાર રાખીને ફરીયાદી તથા તેના પતિને અપશબ્દો કહયા હતા.

ઉપરાંત ફરીયાદીને ખભા અને કોણીના ભાગે લાકડાનો ધોકો મારી અને ફરીયાદીના પતિ પ્રદિપભાઇને વાંસામાં ધોકા વડે મુંઢ ઇજા પહોચાડી હતી આ અંગે અશ્ર્વીનીબેન દ્વારા સીટી-બી ડીવીઝનમાં નવાગામ ઘેડમાં રહેતા પંકજ ખવાસ નામના શખ્સ સામે ફરીયાદ કરવામાં આવી છે.

બીજા બનાવમાં નવાગામ ઘેડમાં આવેલ મધુરમ રેસીડેન્સી ખાતે રહેતા જશુભા ખેંગારજી જાડેજા (ઉ.વ.63)ના ઘરની પાસે આરોપી પંકજ આવેલ અને ફરીયાદી તથા ફરીયાદીના મોટા દીકરા મહેન્દ્રસિંહે ફોરવ્હીલ સીઝ બાબતની બોલાચાલી થયેલ હોય તેનુ સમાધાન કરવાનું કહીને ફરીયાદી અને તેના પુત્ર રાજદીપસિંહ સાથે  ગાળાગાળી અને બોલાચાલી કરી હતી ઉપરાંત રાજદીપસિંહ સાથે ઝપાઝપી કરીને ફરીયાદીને કાંડાના ભાગે ધોકો મારી મુંઢ ઇજા પહોચાડી હતી આ અંગે જશુભા દ્વારા સીટી-બી ડીવીઝનમાં ભીમવાસના ઢાળીયા પાસે રહેતા પંકજ પાંડવની વિરુઘ્ધ ફરીયાદ કરવામાં આવી છે.