ઓખા મંડળના મીઠાપુર તાબેના આરંભડા સીમ વિસ્તારમાં રહેતા પુંજાભાઈ કારાભાઈ ડંડેચા નામના વૃદ્ધ પોતાના જી.જે. 37 કે. 6164 નંબરના એક્ટિવા મોટરસાયકલ પર બેસીને જીઆઈડીસી હાઈવે રોડ પરથી પસાર થઈ રહ્યા હતા. ત્યારે આ માર્ગ પર પૂરઝડપે અને બેફિકરાઈપૂર્વક આવી રહેલા જી.જે. 18 એ.ટી. 8650 નંબરના એક ટ્રક (ટાંકા) ના ચાલકે પુંજાભાઈને અડફેટે લેતા તેમને ફ્રેક્ચર સહિતની ઈજાઓ સાથે હોસ્પિટલમાં ખસેડવામાં આવ્યા હતા. આ અકસ્માત સર્જીને આરોપી ટ્રક ચાલક નાસી છૂટ્યો હતો. જે અંગે મીઠાપુર પોલીસે મેઘજીભાઈ પુંજાભાઈ ડંડેચાની ફરિયાદ પરથી ટ્રકના ચાલક સામે જુદી જુદી કલમ હેઠળ ગુનો નોંધી, આગળની તપાસ હાથ ધરી છે. 

દ્વારકામાં માછીમાર સામે કાર્યવાહી

દ્વારકાના રૂપેણબંદર વિસ્તારમાં રહેતા કાસમ ઉમર ઢોકી નામના 42 વર્ષના માછીમાર યુવાને દરિયામાં માછીમારી કરવાનું ફિશરીઝ વિભાગ દ્વારા લેવાનું થતું ટોકન લીધા વગર તેમજ બોટના જરૂરી કાગળ સાથે રાખ્યા વગર માછીમારી કરવા જતા પોલીસે ઝડપી લઇ, ગુનો નોંધ્યો હતો.