સમગ્ર ગુજરાત રાજયમાં ચેક રિટર્નના કેસો પૈકી સૌથી વધુ આશરે ચાર લાખથી વધુ કેસો અમદાવાદમાં પડતર છે. રાજયમાં ચેક રિટર્નના જે કુલ પડતર કેસો છે, તેમાં એકલા અમદાવાદમાં જ આશરે 60 ટકા કેસો છે.

અમદાવાદ ક્રિમિનલ કોર્ટ્સ બાર એસોસિએશનના ભૂતપૂર્વ એક્ઝિક્યુટિવ સભ્ય બ્રિજ અનિલ કેલાએ જણાવ્યું હતું કે હાઇકોર્ટે અપના બજાર બહુમાળી બિલ્ડીંગ ખાતે વધુ ચાર નવી કોર્ટ શરૂ કરવાનો નિર્ણય લીધો છે. હાલમાં, ચેક રિટર્ન કેસ માટે 19 કોર્ટ એક જ પરિસરમાં કાર્યરત છે. આ ઉપરાંત ઓનલાઇન કોર્ટમાં એક ન્યાયાધીશની પણ નિમણૂક કરવામાં આવી છે. આ સાથે, ચેક રિટર્ન કેસ માટે કોર્ટની સંખ્યા 23 અને એક ઓનલાઇન કોર્ટ થશે, એમ તેમણે ઉમેર્યું હતું.

હાઇકોર્ટના નિર્ણયથી અપના બજાર પરિસરમાં ફિઝિકલ ચેક રિટર્ન કોર્ટની કુલ સંખ્યા 23 થઈ જશે. વધુમાં, ઓનલાઇન કોર્ટમાં એક જજની નિમણૂક કરવામાં આવી છે, જેનાથી આવા કેસોનું સંચાલન કરતી કુલ 24 કોર્ટ થઈ ગઈ છે.