ગુજરાતમાં સીબીએસઈ ધો.12નું પરિણામ 90 ટકાથી ઉપર આવ્યું છે. જેમાં છોકરીઓએ બાજી મારી છે. ગુજરાતમાંથી 32782 ફોર્મ ભરાયા હતા, જેમાંથી 32694 વિદ્યાર્થીઓએ પરીક્ષા આપી હતી અને તેમાંથી 30392 વિદ્યાર્થીઓ પાસ થયા છે. ગુજરાતના પરિણામની ટકાવારી 92.96 ટકા રહી છે.

છોકરીઓની પાસ થવાની ટકાવારી 91.52 ટકા રહી

ફરી એકવાર છોકરીઓએ છોકરાઓ કરતાં વધુ સારું પ્રદર્શન કર્યું છે. છોકરીઓની પાસ થવાની ટકાવારી 91.52 ટકા રહી છે, જે છોકરાઓ કરતાં 6.40 ટકા વધુ છે. આ વખતે પણ સીબીએસઇએ ટોપર્સની યાદી જાહેર કરી નથી અને કોઈ મેરિટ યાદી પણ તૈયાર કર્યું નથી, જોકે, 24,068 વિદ્યાર્થીઓએ 95 ટકાથી વધુ ગુણ મેળવ્યા છે. જ્યારે 1,16,145 વિદ્યાર્થીઓએ 90 ટકાથી વધુ ગુણ મેળવ્યા છે.