અમેરિકાના યોસેમાઇટ નેશનલ પાર્કમાં જંગલની આગને કાબુમાં લેવાના ઓપરેશન દરમિયાન એક અગ્નિશામક હેલિકોપ્ટર ક્રેશ થયું. આ અકસ્માતમાં બંને પાઇલટના મોત થયા હતા. અધિકારીઓના જણાવ્યા અનુસાર, રવિવારે બપોરે હેલિકોપ્ટર આગ પર પાણી નાખતી વખતે આ અકસ્માત થયો હતો. પાઇલટ સિવાય બીજું કોઈ તેમાં નહોતું. બંને પાઇલટ કોન્ટ્રાક્ટ એરક્રાફ્ટ કંપની પ્રિસિઝન માટે કામ કરતા હતા.અકસ્માતમાં મૃત્યુ પામેલા પાઇલટમાંથી એકની ઓળખ ગ્રેગ કિંગ તરીકે થઈ છે. તે અગાઉ અલાસ્કા ડિવિઝન ઓફ ફોરેસ્ટ્રી એન્ડ ફાયર પ્રોટેક્શન સાથે કામ કરતો હતો અને અલાસ્કામાં અનેક વન અગ્નિશામક મિશનમાં ભાગ લીધો હતો. બાદમાં તે પ્રિસિઝનમાં જોડાયો. અલાસ્કા એજન્સીના પ્રવક્તા એમરી જોહ્ન્સને જણાવ્યું હતું કે કિંગના નજીકના સંબંધી હજુ પણ એજન્સીમાં કામ કરે છે. પરિવાર તરફથી પરવાનગી મળ્યા પછી જ તેમનું નામ જાહેર કરવામાં આવ્યું હતું. બીજા પાઇલટની ઓળખ હાલમાં જાહેર કરવામાં આવી નથી.