ભાણવડ પોલીસ વિભાગ દ્વારા તાલુકાના મોડપર ગામનો યુવક ટ્રેન નીચે કપાઇ જઇ આપઘાત કરે એ પહેલા જ પોલીસે દોડી જઇ આપઘાત કરે એ પહેલા જ પોલીસે દોડી ગઇ હતી અને યુવકને પોલીસ થાણે લઇ આવી. સમજાવતાં તેનો જીવ બચી ગયો હતો, પોલીસની માનવતાની લોકોમાં પ્રશંસા થઇ હતી.
બનાવની વિગત મુજબ ભાણવડ તાલુકાના મોડપર ગામે ગૌશાળાની બાજુમાં રહેતો શ્રમિક યુવક રાહુલપરી મનસુખપુરી ભાણવડ રેલ્વે સ્ટેશન ખાતે આવી ટ્રેન નીચે કપાઇ આપઘાત કરવા આવેલ હતો. ત્યારે આ અંગેની જાણ તેની બહેન અસ્મીતાબેન રામદતીને કરી હતી, ભાઇ રાહુલપરીએ બેનને જણાવ્યું હતું કે તારે મારુ મોઢું જોવું હોય તો છેલ્લીવાર આવી જા, આથી બેને ભાણવડ પોલીસ થાણે કોલ દ્વારા જાણ કરી હતી.
જેથી ભાણવડના પી.એસ.આઇ. એમ.આર. સવસેટા, સ્ટાફના જી.એ. ગોજીયા, મયુરસિંહ જાડેજા, વેજાણંદભાઇ બેરા, અજય ભારવાડીયા, એસ.એમ. હુણ, અશોકભાઇ ડુમાણીયા સહિત તાકીદે ભાણવડ રેલ્વે સ્ટેશને પહોંચ્યા હતા અને તપાસ હાથ ધરતા બાજુમાં બાવળની ઝાડીમાં યુવક સંતાઇને બેઠો હતો, જેથી પોલીસે તેને સમજાવી પોલીસે થાણે લઇ આવી હતી, જ્યાં સાંત્વના આપી હતી, આમ પોલીસની મદદથી યુવકનો જીવ બચી જતા પ્રશંસા થઇ છે.