બોર્ડના પરીક્ષા વિભાગના નાયબ નિયામકે આ સંદર્ભે તમામ જિલ્લા શિક્ષણ અધિકારીઓ અને શાળા સંચાલકોને સૂચના આપી છે કે બોર્ડની વેબસાઈટ પરથી શાળા દ્વારા પોતાની શાળાનો ઇન્ડેક્સ નંબર અને સ્કુલનો નોંધાયેલો મોબાઈલ નંબર અથવા ઇમેલ આઇડી દ્વારા લોગીન કરે ડાઉનલોડ કરવાની રહેશે.

પ્રવેશ પત્રની પ્રિન્ટ કાઢીને પરીક્ષાર્થીના આવેદન મુજબ વિષય અને માધ્યમની ચકાસણી કરી નિયત કરેલ જગ્યાએ પરીક્ષાર્થીનો ફોટો ચોંટાડી તેની સહી કરાવી અને વર્ગ શિક્ષકની પણ સહી કરાવી આચાર્યનો સહી સિક્કો લગાવી આપવાની રહેશે.

હોલ ટિકિટ સાથે પરીક્ષા માટેની સૂચના પાછળના ભાગે પ્રિન્ટ કરી શાળાના આચાર્યની સહી સાથે ફરજિયાત રીતે આપવાની રહેશે. આવી હોલ ટિકિટ વિદ્યાર્થીને આપ્યા પછી તે મળી ગઈ છે તેવી સહી પણ વિદ્યાર્થી પાસેથી લેવાની રહેશે. આ બાબતે કોઈ પ્રશ્ન ઉપસ્થિત થાય કે સમસ્યા સર્જાય તો બોર્ડની ગાંધીનગર ખાતેની કચેરીનો સંપર્ક સાધવાનો રહેશે.