જામનગરના સ્કેટીંગ કોચને રાજ્ય સરકારનો જુનિયર જયદીપસિંહ એવોર્ડ એનાયત

August 22, 2026 12:51 PM

જામનગરના સ્કેટીંગ કોચને રાજ્ય સરકારનો જુનિયર જયદીપસિંહ એવોર્ડ એનાયત

ગુજરાત રાજ્યના રમતગમત, યુવા અને સાંસ્કૃતિક પ્રવૃત્તિઓ વિભાગ હસ્તકની સ્પોર્ટ્સ ઓથોરિટી ઓફ ગુજરાત, ગાંધીનગર દ્વારા સ્કેટિંગ રમત ક્ષેત્રે અભૂતપૂર્વ અને ઉત્કૃષ્ટ પ્રદાન આપવા બદલ જામનગરની સુપ્રસિદ્ધ રાધે સ્કેટિંગ રિંકના ઓલ-રાઉન્ડર કોચ રાધે જોઈસરને રાજ્યના સર્વોચ્ચ રમત પુરસ્કારો પૈકીના એક એવા પ્રતિષ્ઠિત જુનિયર જયદીપસિંહ એવોર્ડ થી સન્માનિત કરવામાં આવ્યા છે.

ગાંધીનગર ખાતે આયોજિત એક ભવ્ય અને ગૌરવશાળી સરકારી સમારોહમાં મહાનુભાવોના હસ્તે તેમને સત્તાવાર રીતે આ પુરસ્કાર એનાયત કરાયો હતો. આ ગૌરવપૂર્ણ એવોર્ડ અંતર્ગત કોચ રાધે જોઈસરને સત્તાવાર ગૌરવપત્ર (સર્ટિફિકેટ), સ્પોર્ટ્સ ઓથોરિટીનું બ્લેઝર અને રોકડ પુરસ્કાર અર્પણ કરીને વિશિષ્ટ સન્માન કરવામાં આવ્યું છે. જામનગર તેમજ સમગ્ર ગુજરાત રાજ્યનું નામ દેશભરમાં રોશન કર્યું છે.

કોચની આ અવિરત મહેનત, ખંત અને સ્કેટિંગ રમત પ્રત્યેના સમર્પણની ઉચ્ચ કદરરૂપે જ ગુજરાત સરકાર દ્વારા તેમને આ સર્વોચ્ચ પુરસ્કારથી નવાજવામાં આવ્યા છે.આ અભૂતપૂર્વ અને ભવ્ય ઐતિહાસિક સિદ્ધિ બદલ રાધે સ્કેટિંગ રિંકના તમામ સ્કેટર રમતવીરો, વાલીગણ અને જામનગરના રમતપ્રેમીઓએ કોચ રાધે જોઈસરને હાર્દિક શુભકામનાઓ પાઠવીને આ ગૌરવપૂર્ણ ક્ષણને બિરદાવી છે

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

જામનગરના સ્કેટીંગ કોચને રાજ્ય સરકારનો જુનિયર જયદીપસિંહ એવોર્ડ એનાયત

Recent News

Gujarat's No. 1 evening newspaper