જામનગરના પુર્વ ડે-મેયરની બાઇક સળગાવી નાખી

સમાજમાંથી લોન આપવાના મુદે ગુલાબનગરનો શખ્સ વિફર્યો : પોલીસ ફરીયાદ

જામનગરના પુર્વ ડેપ્યુટી મેયરની મોટરસાયકલ સળગાવી નાખ્યાની ગુલાબનગરના એક શખ્સ સામે ફરીયાદ કરવામાં આવી છે, જેના કારણે ચકચાર મચી ગઇ છે, સમાજમાંથી લોન આપવાની વાત કરી હતી જો કે કોઇ લોન આપતા નથી એ બાબતે મનદુ:ખ થતા આ બનાવ બન્યાનું ફરીયાદમાં જણાવાયુ છે. 

જામનગરના ગુલાબનગર બજરંગ ચોક ખાતે રહેતા હાલ ક્ધસ્ટ્રકશનના ધંધાર્થી અને પુર્વ ડે. મેયર તપન જશરાજભાઇ પરમાર (ઉ.વ.૩૬)એ ગઇકાલે સીટી-બી ડીવીઝનમાં ગુલાબનગર સરસ્વતી સ્કુલવાળી શેરીમાં રહેતા મેહુલ ડોલરભાઇ પરમારની વિરુઘ્ધ ફરીયાદ નોંધાવી હતી.
જેમાં જણાવ્યુ હતું કે ફરીયાદી તપનભાઇ પાસે આરોપી મેહુલે ૪૦ લાખની લોન સમાજમાંથી આપે તેવી વાત કરી હતી, જો કે ફરીયાદીએ ના પાડેલ કે સમાજમાં આવી કોઇ લોન આપતા નથી જે બાબતનો ખાર રાખીને ફરીયાદીને ધમકી આપી હતી કે, હું તને જોઇ લઇશ.
​​​​​​​
દરમ્યાનમાં ગઇકાલે ઘર પાસે પાર્ક કરેલી ફરીયાદીની મોટરસાયકલ નં. જીજે૧૦બીબી-૨૫૫૨ માં આરોપીએ કોઇ જવનશીલ પદાર્થ છાંટી આગ લગાડી દેતા બાઇક સળગી ગયુ હતું અને અંદાજે ૧૫ હજારનું નુકશાન થયુ હતું, ફરીયાદ અનુસંધાને પોલીસે તપાસ હાથ ધરી હતી. સ્થળ પરના આજુબાજુના સીસી ફુટેજ ચેક કરાયા હતા અને કાર્યવાહી આગળ ધપાવી હતી.