ગુજરાત રાજ્યમાં ચોમાસાની સિઝન જામી છે અને છેલ્લા ૨૪ કલાક દરમિયાન રાજ્યના વિવિધ ભાગોમાં સાર્વત્રિક વરસાદ નોંધાયો છે. સ્ટેટ ઈમરજન્સી ઓપરેશન સેન્ટર (SEOC), ગાંધીનગર દ્વારા જાહેર કરવામાં આવેલા સત્તાવાર આંકડાઓ મુજબ , તારીખ ૦૪ જુલાઈ સવારે ૦૬:૦૦ વાગ્યાથી તારીખ ૦૫ જુલાઈ ૨૦૨૬ ના સવારે ૦૬:૦૦ વાગ્યા સુધીના સમયગાળા દરમિયાન રાજ્યના અનેક તાલુકાઓમાં ભારેથી અતિભારે વરસાદ પડ્યો છે. ખાસ કરીને સૌરાષ્ટ્ર, દક્ષિણ ગુજરાત અને મધ્ય ગુજરાતના જિલ્લાઓમાં મેઘરાજાએ ધમાકેદાર બેટિંગ કરીને જળબંબોળની સ્થિતિ સર્જી દીધી છે. વરસાદના કારણે નદી-નાળા છલકાયા છે અને અનેક નીચાણવાળા વિસ્તારો પાણીમાં ગરકાવ થઈ ગયા છે.  

રાજુલામાં 9 ઈંચ અને ખાંભામાં 8 ઈંચ વરસાદ ખાબકતા ઘરોમાં પાણી ઘૂસી ગયા છે.  રાજુલાનો ધાતરવડી ડેમ 2 ઓવરફ્લો, નીચાણવાળા 8થી વધુ ગામડાને એલર્ટ આપવામાં આવ્યું છે.

ડાયવર્ઝન ધોવાતાં નાગેશ્રી નેશનલ હાઈવે બંધ, 20 ગામડાં સંપર્કવિહોણાં

અમરેલી જિલ્લાના ખાંભા ગ્રામ્ય વિસ્તારમાં આભ ફાટતાં સાંબેલાધાર 8 ઇંચ વરસાદ ખાબક્યો છે, જેના કારણે ચોટીલા-ખાંભાથી નાગેશ્રી જતો નેશનલ હાઈવે સંપૂર્ણપણે બંધ થઈ ગયો છે. રાણીગપરા ગામ નજીક કૂતરાખાણ પાસે ચાલુ પુલનું ડાઇવર્ઝન પૂરના પાણીમાં ધોવાઈ જતાં વાહનવ્યવહાર ખોરવાયો છે, જેના લીધે ડેડાણ, ત્રાકુડા, મોટા બારમણ સહિતના 20 જેટલા ગામડાઓનો સંપર્ક તૂટ્યો છે અને ખાંભાથી જાફરાબાદ તેમજ નાગેશ્રી તરફ જતા વાહનચાલકો મધરાતથી અટવાયા છે.

સ્ટેટ ઈમરજન્સી ઓપરેશન સેન્ટર (SEOC), ગાંધીનગરના અહેવાલ મુજબ, તારીખ ૦૫/૦૭/૨૦૨૬ના રોજ સવારે ૦૬:૦૦ થી ૦૮:૦૦ વાગ્યા સુધીના માત્ર બે કલાકમાં જ રાજ્યના અનેક વિસ્તારોમાં સારો વરસાદ નોંધાયો છે. જેમાં અમરેલી જિલ્લાના રાજુલા તાલુકામાં સૌથી વધુ ૨.૦૧ ઈંચ (૫૧ મીમી) વરસાદ ખાબક્યો છે. આ ઉપરાંત, ભાવનગરના મહુવામાં ૧.૩૦ ઈંચ (૩૩ મીમી) વરસાદ પડ્યો છે. રાજકોટ જિલ્લાના ગોંડલમાં ૨૪ મીમી અને કોટડા સાંગાણીમાં ૧૯ મીમી જ્યારે અમરેલીના કુંકાવાવ વડીયામાં ૨૪ મીમી અને જાફરાબાદમાં ૧૯ મીમી વરસાદ વરસ્યો છે. વહેલી સવારથી શરૂ થયેલા આ વરસાદના કારણે વાતાવરણમાં ઠંડક પ્રસરી ગઈ છે.  ​​​​​​​

ખાંભા અને રાજુલામાં આભ ફાટ્યું

આ સરકારી અહેવાલ મુજબ , સમગ્ર રાજ્યમાં સૌથી વધુ વરસાદ અમરેલી જિલ્લાના ખાંભા તાલુકામાં નોંધાયો છે. ખાંભામાં ૨૪ કલાકમાં અંદાજે ૭.૭૬ ઈંચ (૧૯૭ મીમી) જેટલો ભારે વરસાદ ખાબક્યો છે, જેમાં સાંજે ૦૬:૦૦ થી રાત્રે ૧૦:૦૦ વાગ્યાના ટૂંકા ગાળામાં જ ૧૬૯ મીમી વરસાદ તૂટી પડ્યો હતો. આ જ રીતે અમરેલી જિલ્લાના રાજુલા તાલુકામાં પણ મેઘરાજાએ રૌદ્ર સ્વરૂપ બતાવતા ૬.૭૩ ઈંચ (૧૭૧ મીમી) વરસાદ નોંધાવ્યો છે.  

આજે સવારે 6થી 8 વાગ્યા સુધીમાં માત્ર બે કલાકમાં જ રાજ્યના અનેક વિસ્તારોમાં સારો વરસાદ નોંધાયો છે. જેમાં અમરેલી જિલ્લાના રાજુલા તાલુકામાં સૌથી વધુ ૨.૦૧ ઈંચ (૫૧ મીમી) વરસાદ ખાબક્યો છે. આ ઉપરાંત, ભાવનગરના મહુવામાં ૧.૩૦ ઈંચ (૩૩ મીમી) વરસાદ પડ્યો છે. રાજકોટ જિલ્લાના ગોંડલમાં ૨૪ મીમી અને કોટડા સાંગાણીમાં ૧૯ મીમી જ્યારે અમરેલીના કુંકાવાવ વડીયામાં ૨૪ મીમી અને જાફરાબાદમાં ૧૯ મીમી વરસાદ વરસ્યો છે. વહેલી સવારથી શરૂ થયેલા આ વરસાદના કારણે વાતાવરણમાં ઠંડક પ્રસરી ગઈ છે.  

દક્ષિણ ગુજરાતની વાત કરીએ તો નવસારી જિલ્લામાં આભ ફાટ્યું હોય તેવી સ્થિતિ સર્જાઈ છે. નવસારીના ગણદેવી તાલુકામાં ૬.૧૮ ઈંચ (૧૫૭ મીમી), ચીખલીમાં ૫.૬૭ ઈંચ (૧૪૪ મીમી), જ્યારે જલાલપોર અને નવસારી તાલુકામાં અનુક્રમે ૪.૮૪ ઈંચ (૧૨૩ મીમી) અને ૪.૮ ઈંચ (૧૨૨ મીમી) જેટલો અનરાધાર વરસાદ વરસ્યો છે. આ સિવાય ગીર સોમનાથના ઉનામાં પણ ૬.૪૨ ઈંચ (૧૬૩ મીમી) અને ભાવનગરના મહુવામાં ૬.૦૬ ઈંચ (૧૫૪ મીમી) વરસાદથી ચારેય તરફ પાણી જ પાણી થઈ ગયું છે.  

રાજકોટ અને સુરેન્દ્રનગરમાં પણ મેઘમહેર

સૌરાષ્ટ્રના હાર્દ સમાન રાજકોટ જિલ્લામાં પણ રાત્રિ દરમિયાન મેઘરાજા રીઝ્યા હતા. રાજકોટ તાલુકામાં (શહેરી વિસ્તાર સહિત) સત્તાવાર રીતે ૧.૧૮ ઈંચ (૩૦ મીમી) વરસાદ નોંધાયો છે. આ વરસાદ મુખ્યત્વે મોડી રાત્રે ૦૨:૦૦ થી સવારે ૦૬:૦૦ વાગ્યાના ગાળામાં પડ્યો હતો. રાજકોટ ઉપરાંત જિલ્લાના ગોંડલમાં ૨૩ મીમી, લોધિકામાં ૧૬ મીમી, કોટડા સાંગાણીમાં ૯ મીમી, પડધરીમાં ૮ મીમી, જેતપુરમાં ૫ મીમી અને જસદણમાં ૨ મીમી વરસાદ નોંધાયો છે.  

જ્યારે સુરેન્દ્રનગર જિલ્લામાં પણ નોંધપાત્ર વરસાદ રહ્યો છે, જેમાં ચોટીલામાં ૨.૪૪ ઈંચ (૬૨ મીમી), લીંબડીમાં ૨.૦૫ ઈંચ (૫૨ મીમી), ચુડામાં ૪૧ મીમી અને થાનગઢમાં ૩provider મીમી વરસાદ પડતાં સ્થાનિક નદીઓમાં નવા નીર આવ્યા છે.  

અમદાવાદ અને ગાંધીનગર સહિત અન્ય જિલ્લાઓની સ્થિતિ

મધ્ય ગુજરાત અને ઉત્તર ગુજરાતના વિસ્તારોમાં પણ વાદળછાયા વાતાવરણ વચ્ચે સારો વરસાદ નોંધાયો છે. અમદાવાદ જિલ્લાના ધંધુકામાં ૨.૮ ઈંચ (૭૧ મીમી) વરસાદ પડ્યો છે. અમદાવાદ શહેરમાં પણ મોડી રાત્રે ૨૪:૦૦ થી ૦૨:૦૦ ના ગાળામાં ભારે ઝાપટું પડતાં કુલ ૧.૫૪ ઈંચ (૩૯ મીમી) વરસાદ નોંધાયો છે, જેના કારણે નીચાણવાળા રસ્તાઓ પર પાણી ભરાયા હતા. ગાંધીનગર જિલ્લામાં પણ સાર્વત્રિક વરસાદ રહ્યો છે, જેમાં કલોલમાં ૪૧ મીમી, ગાંધીનગર તાલુકામાં ૩૪ મીમી અને માણસામાં ૩૧ મીમી વરસાદ નોંધાયો છે. આ ઉપરાંત બોટાદ જિલ્લાના બરવાળામાં ૫૪ મીમી અને બોટાદ શહેરમાં ૪૭ મીમી વરસાદ પડ્યો છે.  

બીજી તરફ ખાંભા તાલુકાનો રાયડી ડેમ પણ ઓવરફ્લો થતાં નાગેશ્રી, ચૌત્રા અને બારમણ સહિતના કાંઠાના ગામોને તંત્ર દ્વારા હાઈ એલર્ટ પર રાખવામાં આવ્યા છે. વધુમાં, રાજુલાનો ધાતરવડી ડેમ-1 પણ 70 ટકાથી વધુ ભરાઈ ગયો હોવાથી પૂરની સ્થિતિને પહોંચી વળવા માટે સ્થાનિક વહીવટી તંત્ર સતત મોનિટરિંગ કરી રહ્યું છે અને નીચાણવાળા વિસ્તારોના લોકોને અનાવશ્યક બહાર ન નીકળવા તેમજ નદી-નાળાના પાણીના પ્રવાહથી દૂર રહેવા અપીલ કરવામાં આવી છે.

સોસાયટીમાં ઘૂસ્યા વરસાદી પાણી; સ્થાનિકોમાં રોષ

અમરેલી જિલ્લાના રાજુલા શહેરમાં સતત વરસી રહેલા ભારે વરસાદના કારણે છતડીયા રોડ પર જળબંબાકારની સ્થિતિ સર્જાઈ છે, જેના લીધે નજીક આવેલી સૂર્યા બંગ્લોઝ સોસાયટીના ઘરોમાં વરસાદી પાણી ઘૂસી જતાં લોકોનું દૈનિક જીવન સંપૂર્ણ અસ્તવ્યસ્ત બન્યું છે. સ્થાનિકોના જણાવ્યા મુજબ દર વર્ષે ચોમાસામાં અહીં પાણી ભરાવાની સમસ્યા સર્જાય છે, છતાં તંત્ર દ્વારા કોઈ કાયમી ઉકેલ ન લાવવામાં આવતાં રહેવાસીઓમાં ભારે રોષ જોવા મળી રહ્યો છે; હાલ વરસાદ ચાલુ હોવાથી સ્થિતિ વધુ ગંભીર ન બને તે માટે લોકો સાવચેતી રાખી રહ્યા છે અને તંત્ર પાસે તાત્કાલિક પાણીના નિકાલની માંગ કરી રહ્યા છે.

ભારે વરસાદના કારણે ખાસ કરીને અમરેલી અને નવસારીના ગ્રામ્ય વિસ્તારોના અનેક રસ્તાઓ બંધ થઈ ગયા છે અને વાહનવ્યવહારને વ્યાપક અસર પહોંચી છે. ખેતરો બેટમાં ફેરવાઈ જતાં વહીવટી તંત્ર એલર્ટ મોડ પર આવી ગયું છે. જો કે, બીજી તરફ આ વરસાદ લાંબા વિરામ બાદ પડ્યો હોવાથી ખરીફ પાક જેવા કે કપાસ, મગફળી અને ડાંગરના પાકને નવું જીવન મળ્યું છે, જેથી ધરતીપુત્રોમાં ભારે હરખની હેલી જોવા મળી રહી છે. હવામાન વિભાગ દ્વારા હજુ પણ આગામી દિવસોમાં સાર્વત્રિક વરસાદની સંભાવના વ્યક્ત કરવામાં આવી છે.