પોલીસ કમિશનર બ્રજેશકુમાર ઝા અને અધિક પોલીસ કમિશનર મહેન્દ્ર બગડીયા સૂચના તથા ડીસીપી ઝોન-૨ રાકેશ દેસાઇ, એસીપી રાધીકા ભારાઇના માર્ગદર્શન હેઠળ પ્ર.નગર પોલીસ મથકના પીઆઇ વી.આર.વસાવાની રાહબરીમાં ચુસ્ત પોલીસ બંદોબસ્ત વચ્ચે શહેરના રૂખડીયાપરા અતુલના ખાડામાં નામચીન રાજેશ ઉર્ફે ડોનીયો રમેશભાઇ ચૌહાણની ગેરકાયદે પાંચ ઓરડીના બાંધકામનું ડિમોલિશન કરવામા આવ્યું હતું. આ સયમે મહાપાલિકાનો સ્ટાફ તથા પીજીવીસીએલની ટીમ પણ સાથે રહી હતી. આ શખસ દ્વારા વીજ કનેકશન પણ ગેરકાયદે મેળવ્યું હોવાનું ધ્યાને આવતા આ વીજ કનેકશન પણ કટ કરી દેવામાં આવ્યું હતું.

પોલીસ સુત્રોમાંથી જાણવા મળેલી વિગતો મુજબ જેના ગેરકાયદે બાંધકામ પર બુલડોઝર ફેરવી દેવામાં આવ્યું છે તે રાજેશ ઉર્ફે ડોનીયા સામે અગાઉ રાજકોટ શહેરના અલગ અલગ પોલીસ સ્ટેશનમાં દારૂ અને મારામારીના છ ગુના નોંધાઇ ચૂકયા છે.આરોપી એક વખત પાસા હેઠળ જેલની હવા પણ ખાઇ ચૂકયો છે.