રાજકોટ ક્રાઈમ બ્રાન્ચની ટીમે ધ્રોલ પોલીસ સ્ટેશનમાં નોંધાયેલ હત્યાની કોશિશના ગુનામાં એક વર્ષથી ફરાર આરોપી જસરાજનગર ,ઉમિયા ચોક પાસે રહેતા શખસને ઝડપી લઇ કાયદેસરની કાર્યવાહી કરી હતી.

રાજકોટ ક્રાઈમ બ્રાન્ચના પી.એસ.આઇ. એ.એન. પરમાર તથા તેમની ટીમ તપાસમાં હતી દરમિયાન હેડ કોન્સ્ટેબલ જયદેવસિંહ પરમાર, કૃષ્ણદેવસિંહ ઝાલા, મોહિલરાજસિંહ ગોહિલ તથા હરસુખભાઈ સબાડને ધ્રોલ પોલીસ સ્ટેશનમાં હત્યાની કોશિશના ગુનામાં એક વર્ષથી નાસતો ફરતો આરોપી રોનક સુખરામભાઈ નિમાવત (ઉ. વ ૩૩) હાલ રાજકોટમાં તેના ઘર આસપાસ હોવાની ચોક્કસ બાતમી મળી હતી. આ બાતમીના આધારે જસરાજનગર, શેરી નંબર 4, ઉમિયા ચોક ૧૫૦ ફૂટ રિંગ રોડ પર આનંદભાઈના મકાનમાં ભાડે રહેતા રોનકને ઝડપી લઇ ધ્રોલ પોલીસને હવાલે કરવા તજવીજ હાથ ધરી હતી.