બિહારનો મોસ્ટ વોન્ટેડ ડાકુ બાબર રવિવારે (06 ઓક્ટોબર) રાત્રે પૂર્ણિયામાં એન્કાઉન્ટરમાં માર્યો ગયો હતો. રવિવારે રાત્રે લગભગ 2 વાગ્યે પૂર્ણિયાના અમોરમાં પોલીસ અને એસટીએફની ટીમે તેને માર્યો હતો. તેના પર ત્રણ લાખ રૂપિયાનું ઈનામ હતું. ટીમે બાબરને અમોર પોલીસ સ્ટેશનથી માત્ર દોઢ કિલોમીટર દૂર સ્ટેટ હાઈવે નજીક ખેતરમાં માર્યો હતો.

કહેવાય છે કે બાબર લાંબા સમયથી વોન્ટેડ લિસ્ટમાં સામેલ હતો. કિશનગંજ જિલ્લાના બાબરે પૂર્ણિયા, કિશનગંજ, કટિહાર સહિત બંગાળમાં આતંક ફેલાવ્યો હતો. બાબર ઉર્ફે આદિલ ઉર્ફે પાપડ વિરૂદ્ધ બિહાર અને બંગાળના અનેક જિલ્લાઓમાં ફોજદારી કેસ નોંધાયેલા હતા. બાબરે પૂર્ણિયા, કટિહાર, કિશનગંજ ઉપરાંત બંગાળ અને યુપીમાં દોઢ ડઝનથી વધુ લૂંટની ઘટનાઓને અંજામ આપ્યો હતો.

પોલીસ અને STFએ ગુપ્ત માહિતીના આધારે કરી કાર્યવાહી

મળતી માહિતી મુજબ બાબર મોડી રાત્રે ખેતરમાં બેસીને લૂંટનો પ્લાન બનાવી રહ્યો હતો. પોલીસ અને એસટીએફને ગુપ્ત માહિતી મળી હતી. પછી ઘેરાબંધી કરવામાં આવી અને પછી પૂર્ણિયા પોલીસ અને એસટીએફના સંયુક્ત ઓપરેશનમાં બાબરને ગોળીબાર કરીને માર્યો હતો. અહીં મોડી રાત્રે માહિતી મળતા જ પૂર્ણિયાના એસપી કાર્તિકેય શર્મા પોતે અમોર પહોંચ્યા હતા. મૃતદેહને પોસ્ટમોર્ટમ માટે પૂર્ણિયા મેડિકલ કોલેજ મોકલવામાં આવ્યો હતો.