જામનગરના દિગ્વિજય પ્લોટ વિસ્તારમાં રહેતા એક આધેડ પોતાનું મોટરસાયકલ લઈને લાલપુર પંથકમાંથી પસાર થઈ રહ્યા હતા, જે દરમિયાન સેતાલુશ પાસે તેઓનું બાઈક સ્લીપ થઈ જતાં ગંભીર ઇજા થવાથી કરુણ મૃત્યુ નિપજ્યું છે.
જામનગરમાં દિગ્વિજય પ્લોટ શેરી નંબર ૫૮માં રહેતા વસંતભાઈ ધરમશીભાઈ કણજારીયા (ઉ.વ.૫૧) નામના આધેડ ગત ૧૮ના પોતાનું મોટરસાયકલ લઈને લાલપુર તાલુકાના સેતાલુસ ગામના પાટીયા પાસેથી પસાર થઈ રહ્યા હતા.
જે દરમિયાન તેઓનું બાઈક સ્લીપ થઈ જતાં ગંભીર રીતે ઈજાગ્રસ્ત બન્યા હતા. જેથી તેઓને સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા. જયાં ગઈકાલે સારવાર દરમિયાન તેઓનું મૃત્યુ નીપજ્યું છે.
આ બનાવ અંગે મૃતકના મોટાભાઈ મુળ આમરા ગામના હાલ કૃષ્ણ કોલોનીમાં રહેતા બેચરભાઈ ધરમશીભાઈ કણજારીયાએ પોલીસને જાણ કરતાં મેઘપર પોલીસે જી.જી. હોસ્પિટલમાં દોડી જઇ મૃતદેહનો કબજો સંભાળ્યો છે, અને પોસ્ટ મોર્ટમ સહિતની કાર્યવાહી હાથ ધરી છે.