ખંભાળિયા પંથકમાં શૈક્ષણિક ક્ષેત્રે પ્રથમ હરોળનું સ્થાન ધરાવતી જાણીતી શૈક્ષણિક સંસ્થા સંસ્કાર એજ્યુકેશન ટ્રસ્ટ સંચાલિત માતુશ્રી કંકુબેન રતનશી તથા શેઠશ્રી રતનશી સુંદરજી ગોકાણી મહિલા કોમર્સ પીજી સેન્ટર (એમ.કોમ. કોલેજ)ના વિદ્યાર્થીની મીરા વિનોદભાઈ જોલાપરાએ તાજેતરમાં વાણિજ્ય અનુસ્નાતક (M.Com.) વિષયોમાં ભક્ત કવિ નરસિંહ મહેતા યુનિવર્સીટીમાંથી સુવર્ણ ચંદ્રક પ્રાપ્ત કર્યો છે. ધો. 5 થી સંસ્કાર સંકુલમાં અભ્યાસ કરતી મીરા જોલાપરાએ ધો. 10 માં શાળામાં પ્રથમ અને ધો. 12 માં ખંભાળિયા કેન્દ્રમાં પ્રથમ સ્થાન પ્રાપ્ત પ્રાપ્ત કર્યું હતું. આ અનેરી સિદ્ધિ મેળવીને સંસ્થાને ગૌરવ અપાવવા બદલ સંસ્થાના ટ્રસ્ટીઓ, હોદ્દેદારોએ મીરા જોલાપરાને અભિનંદન પાઠવ્યા હતા.