૧૦૮ ની ટુકડી વહાર આવી: પ્રાથમિક સારવાર જી.જી. હોસ્પિટલમાં અપાઇ

જામનગરમાં દસમા ધોરણમાં અભ્યાસ કરતી એક વિદ્યાર્થીની ચાલુ પરીક્ષા ખંડમાં એકાએક બેશુદ્ધ બની હતી, જેથી ૧૦૮ ની ટુકડી વહારે આવી હતી, અને વિદ્યાર્થીને પ્રાથમિક સારવાર આપ્યા પછી વધુ સારવાર માટે જામનગરની જી.જી. હોસ્પિટલમાં પહોંચાડી હતી.
આ બનાવની વિગત એવી છે કે જામનગર ની મહિલા કોલેજમાં ચાલી રહેલી ધોરણ ૧૦ ની બોર્ડની પરીક્ષા દરમિયાન ગઈકાલે સવારે ૧૧ વાગ્યા ને ૪૦ મિનિટે ૧૦૮ ની ટુકડીને કોલ આવ્યો હતો, કે અંજનાબેન હિંસુભાઈ આંબલીયા નામની એક વિદ્યાર્થીની, કે જેને શ્વાસની તકલીફ થતાં બેશુદ્ધ બની છે.
જેથી રણજીત સાગરના લોકેશન પર રહેલા ૧૦૮ ના ઇએમટી વિજય મહેતા, અને પાયલોટ અનિરુદ્ધસિંહ કે જેઓ તાત્કાલિક અસરથી મહિલા કોલેજ પર પહોંચી ગયા હતા અને વિદ્યાર્થીને તાત્કાલિક સ્થળ પર સારવાર આપી હતી, ત્યારબાદ વિદ્યાર્થીને વધુ સારવાર માટે જામનગરની જી.જી. હોસ્પિટલમાં પહોંચાડી હતી. જે હાલ આજે સંપૂર્ણપણે સ્વસ્થ છે.
જામનગરમાં બોર્ડની ચાલી રહેલી પરીક્ષા દરમિયાન પણ ૧૦૮ ની ટીમ સતર્ક બનેલી રહે છે. કોઈપણ ઈમરજન્સી કોલ આવે, તો તેના માટે તેઓ સક્ષમતાથી વિદ્યાર્થીઓને જ‚રી સારવાર સહિતની સુવિધા પૂરી પાડી રહ્યા છે.