જેતપુરમાં તીન બત્તી ચોક, નગરપાલિકા કચેરી પાસે મોડી રાત્રે સ્કૂટર અને બાઈક વચ્ચે થયેલા અકસ્માતમાં લીલા નારિયેળનો ધંધો કરતા યુવાનનું સ્થળ ઉપર જ મૃત્યુ થતાં અરેરાટી વ્યાપી ગઈ હતી. આકસ્માતમાં સ્કૂટર ચાલકને પણ ગંભીર ઇજા થતા સારવારમાં ખસેડાયો હતો.

શહેરના તીન બતી ચોક નગરપાલિકા કચેરીના દરવાજા પાસે મોડી રાતે સર્જાયેલી ઘટનામાં એકટીવા અને હોન્ડા મોટર સાયકલ સામ સામે ટકરાતા અકસ્માતમાં હોન્ડાચાલક સંજય સતરોટીયા નામના યુવાનનું ઘટના સ્થળે જ મોત થઇ ગયું હતું. જ્યારે એકટીવાચાલક ભાવિન ગોસાઈને ગંભીર ઇજા સરકારી હોસ્પિટલમાં ને બાદમાં અન્ય હોસ્પિટલમાં રિફર કરાયો હતો.

મોડી રાતે બનેલ અકસ્માતના બનાવમાં સિટી પોલીસે ઘટના સ્થળ પર પહોંચી તપાસ હાથ ધરી હતી. જેમાં મૃતક હોન્ડાચાલક સંજય સત્રોટીયા અમરનગર રોડ જનતાનગરમાં રહેતા હોવાનું અને તેને કણકિયા પ્લોટમાં લીલા નારિયેળનો ધંધો હોવાનું જાણવા મળ્યું હતું. પોલીસની વિશેષ તપાસ ચાલુ છે.