લાલપુરના પડાણા ગામનો યુવાન બાઈકમાં મજીવાણા પાસેથી પસાર થતો હતો ત્યારે ગોલાઈ પર અકસ્માતે બાઈક સ્લીપ થતા તેને ગંભીર ઈજા થઈ હતી અને સારવાર દરમિયાન તેનું મોત થયું છે. પોરબંદરના ઇન્દીરાનગર વિસ્તારમાં વાછરાદાદાના મંદિર પાસે રહેતા બાબુભાઈ દેવાભાઈ સોલંકી નામના વૃદ્ધ દ્વારા બગવદર પોલીસ મથકમાં એવું જાહેર કરવામાં આવ્યું છે કે,લાલપુરના પડાણા ગામે રહેતો દીપક બાબુભાઈ સોલંકી (ઉ.વ.૩૧) પોતાનું મોટરસાયકલ લઈને પોરબંદર જામખંભાળિયા રોડ પર પસાર થતો હતો ત્યારે મજીવાણા ગામની ગોલાઈ પાસે પહોંચ્યોએ સમયે કોઈ કારણોસર દીપકનું બાઈક સ્લીપ થઈ ગયુ હતુ અને માથાના ભાગે ગંભીર ઈજા થઈ હતી તેને સારવાર માટે હોસ્પિટલે ખસેડવામાં આવ્યો હતો જ્યાં દિપક સોલંકીનું મોત થયું છે આગળની તપાસ બગવદર પોલીસ ચલાવી રહી છે.