સિહોરના જાંબાળા અને દેવગાણા ગામની વચ્ચે આવેલ પાણીની નહેરમાંથી અજાણ્યા યુવાનનો મૃતદેહ મળી આવતા ચકચાર મચી હતી. ઘટનાની જાણ થતા સિહોર પોલીસે દોડી જઈ મૃતદેહનો કબજો લઈ ભાવનગર ખાતે ફોરેન્સિ લેબમાં મોકલી મૃતકની ઓળખવિધિ હાથ ધરતા યુવાન મૂળ રાજસ્થાનનો હોવાનું તેમજ મિસ્ત્રી કામ કરતો હોવાનું ખુલ્યું હતું. હાલ પોલીસે યુવાનના મોતનું કારણ જાણવા તજવીજ હાથ ધરી છે.
 ઉપલબ્ધ વિગત મુજબ સિહોરના દેવગાણા ગામે રાજસ્થાનના રાણદા ગામનો  વતની અને છેલ્લા કેટલાક સમયથી દેવગાણા ગામે રહી મિસ્ત્રી કામ કરી પોતાનું ગૂજરાન ચલાવતો અને બે ત્રણ દિવસથી ગુમ થયેલા દિનખાન મુગેખાન નિરાશી (ઉ. વ. ૩૪)નો  મૃતદેહ જાંબાળા અને દેવગાણા વચ્ચે આવેલ પાણીની નહેરમાંથી કોહવાયેલી હાલતે મળી આવતા સિહોર  પોલીસનો કાફલો  ઘટના સ્થળે પોહચી મૃતદેહનો કબજો લઈને ભાવનગર ખાતે મોકલી હાલ અકસ્માટે મોતની નોંધ કરી યુવાનના મોતનું કારણ જાણવા તજવીજ હાથ ધરી હતી. મૃતક યુવાન જ્યાં કામ કરતો હતો ત્યાંથી તેને છૂટો કરી દેવામાં આવ્યો હોવાનું પ્રાથમિક તપાસમાં ખુલ્યાનું સિહોર પોલીસના જમાદાર ચિરાગભાઈએ જણાવ્યું હતું.