રાજકોટમાં મારવાડી યુનિ. ખાતે વાયબ્રન્ટ સમિટનું આયોજન કરવામાં આવ્યું છે. જેનું ઉદ્ધાટન દેશના પીએમ મોદી કરવાના છે. ત્યારે બીજી તરફ પોલીસ દ્વારા આપના નેતાઓની ટીંગાટોળી સાથે અટકાયત કરવામાં આવી છે. જ્યારે કોંગ્રેસના નેતાઓને તેમના ઘરમાં જ નજરકેદ કરવામાં આવ્યા છે.  

AAPની આગામી સમયમાં યોજાવા જઈ રહેલી કોઠારિયામાં પરિવર્તન મહાસભાથી ભાજપ એટલી હદે ડરી ગઈ કે આજે પ્રદેશ નેતા રાહુલ ભુવા, યુવા નેતા સુરજ બગડા અને ટીમ સહિત વોર્ડ નં ૧૮માં સભાનો પ્રચાર કરતાં હતા ત્યારે ભાજપના ઇશારે તમામની બળજબરી પૂર્વક અટકાયત કરવામાં આવી હોવાનો આપ દ્વારા આક્ષેપ કરવામાં આવ્યો છે. 

આજરોજ વાયબ્રન્ટ સમિટમાં ભારતના વડાપ્રધાન આવી રહ્યા હોય ત્યારે રાજકોટ પોલીસ દ્વારા રાજકોટ કોંગ્રેસના અનેક આગેવાનોને નજર કેદ કરવામાં આવ્યા છે.અનેક આગેવાનોને તેમના ઘરોમાં જ નજર કેદ કરવામાં આવ્યા છે. પ્રદેશ કોંગ્રેસ સેવા દળના મંત્રી રણજીત મુંધવાને તેમના ઘરમાં નજર કેદ કરવામાં આવ્યા છે.