બોલિવૂડના હેન્ડસમ હકં ઋતિક રોશને ફિલ્મમાં શાહરૂખ ખાનનું સ્થાન લીધું છે. ખાસ વાત એ છે કે આ ફિલ્મ ૪૦ વર્ષ પછી રજનીકાંત અને ઋતિક રોશન વચ્ચે ઐતિહાસિક પુન:મિલનનું ચિ઼ બનશે. દક્ષિણ ભારતના સુપરસ્ટાર રજનીકાંતની બ્લોકબસ્ટર ફિલ્મ જેલરની સિકવલ જેલર ૨ ને લઈને આજકાલ ભારે ચર્ચા ચાલી રહી છે. ફિલ્મ વિશેની દરેક નવી અપડેટ ચાહકોના ઉત્સાહમાં વધારો કરી રહી છે. હવે, ફિલ્મ સાથે જોડાયેલા એક મોટા સમાચારે દેશભરના સિનેમા પ્રેમીઓને આશ્ચર્ય અને આનદં આપ્યો છે. હકીકતમાં, બોલિવૂડના હેન્ડસમ હકં ઋત્વિક રોશનને આ ફિલ્મમાં કાસ્ટ કરવામાં આવ્યો છે. તે રજનીકાંતની બહત્પપ્રતિક્ષિત ફિલ્મમાં ખૂબ જ ખાસ અને શકિતશાળી કેમિયો ભૂમિકામાં જોવા મળશે, જે દર્શકોને વધુ ખુશ કરી રહી છે.
નોંધનીય છે કે આ ફિલ્મ સંબંધિત ચર્ચાઓમાં શરૂઆતમાં બોલિવૂડના કિંગ શાહરૂખ ખાનનું નામ લેવામાં આવ્યું હતું. નિર્માતાઓ ઇચ્છતા હતા કે શાહરૂખ ખાન ફિલ્મમાં મહત્વપૂર્ણ ભૂમિકા ભજવે, અને ચાહકો રજનીકાંત અને શાહરૂખ ખાનને પડદા પર સાથે જોવા માટે ઉત્સાહિત હતા. જોકે, તેમની આગામી ફિલ્મ, કિંગ અને અન્ય પ્રોજેકટસમાં વ્યસ્ત શેડૂલને કારણે, શાહરૂખ ખાનને આ ભૂમિકા માટે સમય મળી શકયો નહીં. તારીખોના અભાવે, તે આ પ્રોજેકટમાંથી ખસી ગયો. ત્યારબાદ, નિર્માતાઓએ ઋતિક રોશન સાથે વાત કરી, અને હવે ઋતિક રોશને આ મોટા પ્રોજેકટ માટે સત્તાવાર રીતે સંમતિ આપી દીધી છે. ઋતિક રોશન ફિલ્મમાં માત્ર થોડી સેકન્ડ માટે જ નહીં પરંતુ એક મહત્વપૂર્ણ તબક્કે દેખાશે. તેમની ભૂમિકા રજનીકાંતના પાત્ર, ટાઇગર મુથુવેલ પાંડિયનને વાર્તાને આગળ વધારવામાં મદદ કરશે.
ઋતિક રોશનની ભૂમિકા ૨૨ અને ૨૩ જૂને ચેન્નાઈમાં શૂટ કરવામાં આવશે. નિર્માતાઓ ઋતિકના પાત્રને મોટા પાયે રજૂ કરવાની તૈયારી કરી રહ્યા છે, અને આ માટે અસંખ્ય લુક ટેસ્ટ લેવામાં આવી રહ્યા છે. દર્શકો આ ફિલ્મમાં ઋતિક રોશનનો એક સંપૂર્ણપણે નવો અને અનોખો અવતાર જોશે, જે તેણે પહેલાં કયારેય ભજવ્યો નથી.ઋતિક રોશન અને રજનીકાંતનું સ્ક્રીન શેર કરવું સિનેમા પ્રેમીઓ માટે ખૂબ જ ભાવનાત્મક અને ઐતિહાસિક ક્ષણ હશે. બરાબર ૪૦ વર્ષ પહેલાં, ૧૯૮૬ માં આવેલી ફિલ્મ ભગવાન દાદામાં, આ બે સુપરસ્ટારે સાથે કામ કયુ હતું. તે ફિલ્મમાં ઋતિક રોશને બાળ કલાકાર તરીકે કામ કયુ હતું અને રજનીકાંતના પાત્રના સાવકા દીકરાની ભૂમિકા ભજવી હતી. ઋતિક રોશને વારંવાર ઇન્ટરવ્યુમાં વ્યકત કયુ છે કે તે રજનીકાંતને કેટલો પ્રેમ કરતો હતો અને બાળપણમાં ફિલ્માંકન દરમિયાન તે તેની કેટલી કાળજી રાખતો હતો. હવે, ૪૦ વર્ષ પછી, આ બંને કલાકારો ફરીથી મોટા પડદા પર ધૂમ મચાવશે.
નેલ્સન દિલીપકુમાર દ્રારા દિગ્દર્શિત જેલર ૨, ૨૦૨૬ ની સૌથી મોટી ફિલ્મોમાંની એક હોવાની અપેક્ષા છે. સન પિકચર્સ બેનર હેઠળ નિર્મિત, આ ફિલ્મમાં માત્ર ઋતિક રોશન જ નહીં પરંતુ ભારતીય સિનેમાના ઘણા અન્ય અગ્રણી નામો પણ જોવા મળશે. ફિલ્મની સ્ટાર કાસ્ટમાં મોહનલાલ, શિવ રાજકુમાર, વિજય સેતુપતિ અને મિથુન ચક્રવર્તી જેવા અનુભવી કલાકારોના કેમિયોનો સમાવેશ થવાની અપેક્ષા છે. એસ.જે. સૂર્યા, રામ્યા કૃષ્ણન, વિધા બાલન અને યોગી બાબુ પણ મુખ્ય ભૂમિકાઓમાં જોવા મળશે. આ ફિલ્મ સપ્ટેમ્બર ૨૦૨૬ માં સિનેમાઘરોમાં રિલીઝ થવાની ધારણા છે