રાજકોટ શહેરમાં આજે વાતાવરણમાં અચાનક પલટો આવ્યો છે અને અસહ્ય ઉકળાટ બાદ મેઘરાજાએ ધીમી ધારે એન્ટ્રી કરી છે. શહેરના મુખ્ય ગણાતા કાલાવડ રોડ, રેસકોર્સ, ૧૫૦ ફૂટ રિંગ રોડ અને યાજ્ઞિક રોડ સહિતના વિસ્તારોમાં ધીમી ધારે વરસાદ શરૂ થતાં રસ્તાઓ પર પાણી વહેતા થઈ છે. આ હળવા વરસાદી ઝાપટાંને કારણે શહેરના વાતાવરણમાં ઠંડક પ્રસરી ગઈ છે અને લાંબા સમયથી ગરમીથી પરેશાન નાગરિકોને મોટી રાહત મળી છે. રાજકોટ શહેર ઉપરાંત ગ્રામ્ય વિસ્તારોમાં પણ વરસાદી માહોલ જામ્યો છે. લોધિકા, જસદણ સહિતના ગ્રામ્ય વિસ્તારોમાં મેઘરાજાની એન્ટ્રી થઈ ચૂકી છે. આથી જગતના તાતના ચહેરા પર ખુશી છલકાઈ ઉઠી છે.

રાજકોટ શહેરમાં છેલ્લા કેટલાક દિવસોથી પડી રહેલી અસહ્ય ગરમી અને બફારા બાદ આજે અચાનક વાતાવરણમાં પલટો આવ્યો છે. આકાશમાં કાળાડિબાંગ વાદળો ઘેરાયા બાદ મેઘરાજાએ ધીમી ધારે એન્ટ્રી કરી છે. શહેરના મુખ્ય અને ધમધમતા ગણાતા વિસ્તારો જેવા કે કાલાવડ રોડ, રેસકોર્સ, ૧૫૦ ફૂટ રિંગ રોડ, અને યાજ્ઞિક રોડ સહિતના વિસ્તારોમાં વરસાદી ઝાપટાં શરૂ થયા છે. ધીમી ધારે શરૂ થયેલા આ વરસાદને કારણે જોતજોતામાં રસ્તાઓ પર પાણી વહેતા થયા છે. લાંબા સમયથી અસહ્ય ઉકળાટથી પરેશાન રાજકોટના નાગરિકોને આ વરસાદી માહોલથી ભારે રાહત મળી છે અને ઠંડક પ્રસરી ગઈ છે.

મેઘરાજાની આ પધરામણી માત્ર રાજકોટ શહેર પૂરતી મર્યાદિત નથી રહી, પરંતુ જિલ્લાના ગ્રામ્ય વિસ્તારોમાં પણ ચોમાસાનો માહોલ બરાબરનો જામ્યો છે. રાજકોટની આજુબાજુ આવેલા લોધિકા, કોટડા સાંગાણી અને જસદણ સહિતના પંથકોમાં પણ ગાજવીજ અને પવન સાથે મેઘરાજાની વિધિવત એન્ટ્રી થઈ ચૂકી છે. ગ્રામ્ય વિસ્તારોમાં વાવણીલાયક વરસાદની આશા સાથે વરસાદી માહોલ છવાઈ જતાં ધરતીપુત્રોમાં અનેરો આનંદ જોવા મળી રહ્યો છે. લાંબા સમયની પ્રતીક્ષા બાદ આકાશમાંથી વરસેલા અમીછાંટણાને કારણે જગતના તાત ગણાતા ખેડૂતોના ચહેરા પર ખુશીની લહેર છલકાઈ ઉઠી છે અને તેઓ કૃષિ કાર્યની તૈયારીઓમાં જોતરાયા છે.

હવામાન વિભાગની આગાહી વચ્ચે શરૂ થયેલા આ વરસાદને પગલે વાહનચાલકોને થોડી ક્ષણો માટે થોભી જવું પડ્યું હતું, પરંતુ એકંદરે લોકોએ આ ખુશનુમા વાતાવરણનો આનંદ માણી રહ્યા છે.