રાજુલામાંથી ચોરીના પાંચ મોબાઈલ સાથે મહુવાની મહિલાને અમરેલી એલસીબીની ટીમે ઝડપી લઈ રાજુલા પોલીસ સ્ટેશનમાં મોબાઈલ ચોરીના બે ગુનાઓનો ભેદ ઉકેલ્યો છે.

પોલીસ સૂત્રોમાં નોંધાયેલી વિગત મુજબ અમરેલી એલસીબીના પીઆઈ વી.એમ.કોલાદરાની રાહબરીમાં એલસીબીની ટીમ રાજુલા વિસ્તારમાં પેટ્રોલીંગમાં હતી ત્યારે ટેક્નિકલ સોર્સ અને બાતમીના આધારે શંકાસ્પદ મહિલાને રોકી પુછપરછ કરતા પોતાનું નામ ગૌરીબેન ઉર્ફે દકુ શંભુભાઇ પરમાર, ઉ.વ.૨૫ (રહે.ખાટસુરા,તા.મહુવા)ની હોવાનું જણાવતા પોલીસે તેની તલાસી લેતા કબ્જામાંથી જુદી જુદી કંપનીના પાંચ જેટલા મોબાઈલ મળી આવતા મોબાઇલ અંગે પુછ પરછ કરી ટેકનીકલ રીતે ખરાઇ કરતા તમામ મોબાઈલ ચોરીના હોવાનું ખુલ્યું હતું. મહિલા વધુ પૂછપરછમાં બે મોબાઇલ રાજુલામાંથી ચોરી કરી હોવાની કબૂલાત આપી હતી. પાંચેય મોબાઈલ કબ્જે કરી રાજુલા પોલીસમાં નોંધાયેલા બે મોબાઈલ ચોરીના ગુનાના ભેદ ઉકેલ્યા હતા. પોલીસની વિષેશ તપાસમાં મહિલા અગાઉ ચલાલા પોલીસ મથકમાં પણ ચોરીના ગુનામાં પકડાઈ ચુકી છે.

આકામગીરી એલસીબીના એએસઆઇ ભીખુભાઇ ચોવટીયા, હેડ કોન્‍સ. જયેન્દ્રભાઇ બસીયા, ગોકુળભાઇ કળોતરા, મહેશભાઇ રાઠોડ, તુષારભાઇ પાંચાણી તથા પો.કોન્સ. અજયભાઇ વાઘેલા, પરેશભાઇ દાફડા દ્વારા કરવામાંઆવેલ છે.