સામાન્ય જનતા પર મોંઘવારીનો વધુ એક બોજો આવી પડ્યો છે. દેશની અગ્રણી ડેરી ઉત્પાદક અમૂલે આજે દૂધના ભાવમાં વધારો કરવાની જાહેરાત કરી છે. કંપની દ્વારા જાહેર કરવામાં આવેલી માહિતી અનુસાર, અમૂલના વિવિધ પ્રકારના દૂધના ભાવમાં પ્રતિ લિટર 2 રૂપિયાનો વધારો કરવામાં આવ્યો છે, જે આજ મધરાતથી એટલે કે તારીખ 1 મે, 2025થી લાગુ થશે.

ભાવ વધારા બાદ અમૂલ ગોલ્ડનો ભાવ હવે 34 રૂપિયા પ્રતિ 500 મિલી થશે, જ્યારે અમૂલ તાજાનો ભાવ 28 રૂપિયા પ્રતિ 500 મિલી રહેશે. અમૂલ સ્ટાન્ડર્ડ હવે 31 રૂપિયા અને અમૂલ બફેલો મિલ્ક 37 રૂપિયા પ્રતિ 500 મિલીના ભાવે મળશે.

આ ભાવ વધારાની સીધી અસર ગ્રાહકોના ખિસ્સા પર પડશે અને તેમની માસિક બજેટ પર વધુ ભારણ આવશે.