પેટમાં ઇન્ફેકશન(પાચનતંત્રમાં બેક્ટેરિયા પહોંચવાથી થતો ચેપ) થવાના ઘણા કારણો હોય શકે છે, જેમ કે દૂષિત પાણી પીવું, બહારનો ખોરાક ખાવો અથવા અન્ય કોઈપણ માધ્યમથી બેક્ટેરિયાનું પેટમાં પહોંચવું. આ એક સામાન્ય સમસ્યા છે જે ઘણા લોકોને પરેશાન કરે છે પરંતુ જો લક્ષણો દેખાય કે તરત જ ધ્યાન આપવામાં ન આવે તો ચેપ ખૂબ જ ઝડપથી ફેલાય છે અને પરિસ્થિતિ ગંભીર બની જાય છે. પેટના ચેપના કિસ્સામાં, ઉલટી, ઉબકા, ઝાડા, પેટમાં ખેંચાણ અને શરીરનું તાપમાન પણ વધ-ઘટ થઇ શકે છે. આ આંતરડાના સ્વાસ્થ્યને અસર કરે છે. બાળકો ખાસ કરીને પેટના ચેપ માટે સંવેદનશીલ હોય છે કારણ કે તેઓ રમતી વખતે ઘણી બધી વસ્તુઓ ઉપાડી લે છે અને ખાય છે અથવા ગંદા હાથ મોંમાં નાખે છે અને આમ બેક્ટેરિયા શરીરમાં પ્રવેશ કરે છે.

પેટના ઇન્ફેકશનમાંથી સાજા થવામાં લગભગ એક થી દોઢ અઠવાડિયુ લાગે છે પરંતુ આ સમય દરમિયાન સ્વસ્થ થવા માટે આહાર પર ધ્યાન આપવું ખાસ જરૂરી છે. દર્દીને અમુક વસ્તુઓ આપવાનું સંપૂર્ણપણે ટાળવું જોઈએ. ખાસ કરીને એ વાતનું ધ્યાન રાખવું જોઈએ કે દર્દીના શરીરમાં પાણીની કમી ન રહે. જાણો કે પેટમાં ઇન્ફેકશન થઇ ગયું હોય ત્યારે શું ન ખાવું જોઈએ.

પેટમાં ચેપ હોય ત્યારે આ બાબતોનું ધ્યાન રાખો

• જો બાળકને પેટમાં ઇન્ફેકશન હોય તો તેને ડૉક્ટર દ્વારા સૂચવવામાં આવેલી માત્રામાં નિયમિત અંતરાલે રિહાઇડ્રેશન સોલ્યુશન આપવું જોઈએ.
  
  
• જો પુખ્ત વયના લોકોને પેટમાં ઇન્ફેકશન હોય તો તેમણે પણ પૂરતા પ્રમાણમાં પ્રવાહીનું સેવન કરવું જોઈએ પરંતુ ધ્યાનમાં રાખો કે એક સાથે વધારે પાણી ન પીવું, તેનાથી ઉબકા અને ઉલટી થાય છે.
  
  
• પેટના ઇન્ફેકશનના લક્ષણો દેખાય કે તરત જ વ્યક્તિએ ચેક-અપ કરાવવું જોઈએ અને યોગ્ય સમયે ડૉક્ટર પાસેથી એન્ટિબાયોટિક્સ અથવા જરૂરી દવાઓ લેવી જોઈએ.
  
  
• સ્વસ્થ થવા માટે વ્યક્તિએ નરમ મગની દાળની ખીચડી, દલિયા વગેરે જેવા હળવા ખોરાક ખાવા જોઈએ અને પ્રોબાયોટિક ખોરાકનો પણ સમાવેશ કરવો જોઈએ.
  
  
• સ્વસ્થ થવા માટે આરામ સૌથી મહત્વપૂર્ણ છે તેથી વ્યક્તિએ પુષ્કળ ઊંઘ લેવી જોઈએ.

ભૂલથી પણ આ વસ્તુઓ ખાવી કે પીવી ન જોઈએ

• જો કોઈને પેટમાં ઇન્ફેકશન હોય તો કોફી અને ચા પીવાનું ટાળવું જોઈએ.
  
  
• મસાલેદાર અને તેલયુક્ત ખોરાક સિવાય, એવી વસ્તુઓ ન ખાઓ જે પચવામાં મુશ્કેલ હોય. જેમ કે દૂધ અથવા વધુ ફેટવાળા ખોરાક.
  
  
• જો તમે પેટના ઇન્ફેકશનમાંથી હમણાં જ સાજા થયા હોવ તો પણ ભૂલથી પણ દારૂનું સેવન ન કરવું જોઈએ, નહીં તો સ્થિતિ વધુ ખરાબ થઈ શકે છે.
  
  
• પેટમાં ઇન્ફેકશન હોય તો નારંગી, સંતરા વગેરેનો રસ પીવાને બદલે નાળિયેર પાણી પીવું વધુ ફાયદાકારક છે.
  
  
• પેટના ઇન્ફેકશનના દર્દીઓએ ભૂલથી પણ કોઈપણ પ્રકારનું કાર્બોનેટેડ પીણું કે બહારનું પેક્ડ જ્યુસ ન પીવું જોઈએ.