દેવભૂમિ દ્વારકા જિલ્લાના ભાણવડ વિસ્તારમાં પોલીસે પાંચ વ્યક્તિઓના ગુમ થયેલા મોબાઈલ શોધી કાઢ્યા છે.

આ મોબાઈલની કુલ કિંમત 78,497 રૂપિયા છે.જિલ્લા પોલીસ વડા નિતેશ પાંડેયની સૂચના અનુસાર આ કામગીરી હાથ ધરવામાં આવી હતી. ડીવાયએસપી હાર્દિક પ્રજાપતિના માર્ગદર્શન હેઠળ કલ્યાણપુરના પીઆઈ કે.બી. રાજવી અને તેમની ટીમે આ કેસમાં કામગીરી કરી હતી.

પોલીસે હ્યુમન સોર્સિસ અને ટેકનિકલ એનાલિસિસનો ઉપયોગ કરીને મોબાઈલ શોધી કાઢ્યા હતા. તમામ મોબાઈલ તેમના મૂળ માલિકોને પરત કરવામાં આવ્યા છે. ભાણવડ પોલીસની "તેરા તુજકો અર્પણ" અંતર્ગત કરવામાં આવેલી આ કામગીરીને સ્થાનિકોએ આવકારી છે.