બોલિવૂડ અભિનેત્રી પરિણીતી ચોપરા માતા બની ગઈ છે. તેમના પતિ અને આમ આદમી પાર્ટીના નેતા રાઘવ ચઢ્ઢાએ સોશિયલ મીડિયા પર આ ખુશખબર શેર કરી. નોંધનીય છે કે રવિવારે સવારે સમાચાર આવ્યા હતા કે પરિણીતીને હોસ્પિટલમાં દાખલ કરવામાં આવી છે. હવે, સમાચાર સામે આવ્યા છે કે તેણીએ એક બાળકને જન્મ આપ્યો છે. પરિણીતાએ પુત્રને જન્મ આપતા પરિવારમાં ખુશીની લાગણી પ્રસરી ગઈ છે.

બેબી બોય કે બેબી ગર્લ?

રાઘવ અને પરિણીતીએ પોસ્ટમાં લખ્યું, "આખરે! અમારો દીકરો આવી ગયો છે! અમને ખરેખર યાદ નથી કે આ નાનકડા મહેમાનના આગમન પહેલાં જીવન કેવું હતું! અમારા હાથ ભરાઈ ગયા છે અને અમારા હૃદય પણ ભરાઈ ગયા છે. પહેલા અમારી પાસે એકબીજા હતા, હવે અમારી પાસે બધું જ છે. પ્રેમ અને કૃતજ્ઞતા સાથે, પરિણીતી અને રાઘવ."

આજે સવારે પરિણીતીને દાખલ કરવામાં આવી હતી

રવિવારે સવારે સમાચાર આવ્યા કે પરિણીતીને દિલ્હીની એક હોસ્પિટલમાં દાખલ કરવામાં આવી છે, જેનાથી તેમના સ્વાસ્થ્ય અંગે ચિંતા ફેલાઈ ગઈ. હવે, તેમણે એક બાળકને જન્મ આપ્યો છે તે સારા સમાચાર સાથે, સોશિયલ મીડિયા અભિનંદનથી ભરાઈ ગયું છે.