રાજકોટની ભાગોળે આવેલા ગઢકાથી દારૂ ભરીને આવતી મારુતિ ફ્રન્ટી કાર 80 ફૂટ રોડ પર ભારતનગર પાસે પહોંચતા થોરાળા પોલીસે પૂર્વ બાતમીના આધારે કારણે રોકી તલાસી લેતા તેમાંથી દારૂની 48 બોટલ મળી આવતા કાર સહીત રૂ.1,15,352નો મુદામાલ કબ્જે કરી ચાલક રોહન ભીમાભાઇ સોલંકીને ઝડપી લઇ કાર્યવાહી કરી છે.

થોરાળા પોલીસ મથકમાં પીઆઈ એન.જી.વાઘેલાની સૂચનાથી પીએસઆઇ એન.આર.ડોબરીયા અને ટિમ પેટ્રોલીંગમાં હોય ત્યારે પો.કોન્સ.ભરતસિંહ પરમાર અને કિરણભાઈ પરમારને ચોક્કસ બાતમી મળી હતી કે, ગઢકા તરફથી આવતી જીજે-03-ડીડી-4105 નંબરની મારુતિ ફ્રન્ટી કારમાં દારૂની હેરાફેરી કરવામાં આવી રહી છે. જે બાતમીના આધારે પોલીસે 80 ફૂટ રોડ પર ભારતનગર ત્રિશુલ કારખાના પાસે વોંચ ગોઠવતા ત્યાંથી પસાર થતી કારણે રોકી ચાલકનું નામ પૂછતાં પોતાનું નામ રોહન ભીમાભાઇ સોલંકી (રહે-કુબલિયા પરા શેરી નં-5) નો હોવાનું જણાવતા કારની તલાસી લેતા તેમાંથી જુદી જુદી બ્રાન્ડની 48 બોટલ દારૂ મળી આવતા કાર અને દારૂની બોટલો મળી કુલ રૂ.1,15,352નો મુદામાલ કબ્જે કરી ચાલકની અટકાયત કરી હતી. આ દારૂ કોણે આપ્યો હતો અને કોઈને આપવાનો હતો કે કેમ તે દિશામાં પોલીસે વધુ તપાસ હાથ ધરી છે.