અમદાવાદના વાતાવરણમાં અચાનક પલટો આવતા શહેરના અનેક વિસ્તારોમાં વરસાદી ઝાપટાં પડ્યા હતા. આજે પડેલા વરસાદથી કાંકરિયા કાર્નિવલમાં પણ થોડી અસર જોવા મળી હતી. વરસાદના કારણે લોકોની મજામાં થોડો વિક્ષેપ પડ્યો હતો.

આજે અમદાવાદ શહેરના મણિનગર, કાલુપુર, કાંકરિયા સહિતના વિસ્તારોમાં ઝરમર વરસાદ વરસ્યો હતો. જો કે હવામાન વિભાગે આગામી ૩ દિવસ માવઠાની આગાહી કરી છે, જેને ધ્યાનમાં રાખીને સાવચેતી રાખવાની સલાહ આપવામાં આવી છે. આજે પડેલા વરસાદથી કાંકરિયા કાર્નિવલમાં પણ થોડી અસર જોવા મળી હતી. વરસાદના કારણે લોકોની મજામાં થોડો વિક્ષેપ પડ્યો હતો.

હવામાન વિભાગના જણાવ્યા અનુસાર મજબૂત વેસ્ટર્ન ડિસ્ટર્બન્સના કારણે આગામી ત્રણ દિવસમાં અમદાવાદ સહિત ગુજરાતના અન્ય ભાગોમાં ગાજવીજ અને ભારે પવન સાથે વરસાદ પડી શકે છે. કેટલાક વિસ્તારોમાં કરા પડવાની પણ શક્યતા છે.

આથી લોકોને સલાહ આપવામાં આવે છે કે તેઓ વરસાદ દરમિયાન સાવચેત રહે અને સુરક્ષિત સ્થળોએ આશ્રય લે. ખાસ કરીને ખુલ્લા વિસ્તારોમાં અને ઝાડ નીચે ઉભા રહેવાનું ટાળવું જોઈએ.