વડિયાની ભાગોળે આવેલા સાકરોડા ગામે રહેતો દિનેશ રામજીભાઇ ચૌહાણ (ઉ.વ.૪૬) નામનો દલિત યુવક વડિયા બસસ્ટેન્ડમાં પોતાનું મોટરસાયકલ મૂકીને ત્યાંથી મજૂરી કામે ગયા હોય સાંજના સમયે તે પરત ફરી મોટર સાયકલ લેવા ગયા ત્યારે એક બિસ્કિટનું પેકેટ લઇને એક ગાયને તેમાંથી બિસ્કિટ નાખતા તે ગાય પાસે જતા ઉભેલા શખ્સોએ ગાય સાથે ખરાબ કૃત્ય કરે છે તેવુ કહી ઢીંકા પાટુના માર મારીને જાતિ પ્રત્યે અપમાનજનક શબ્દો બોલીને તેને હડધૂત કરી વીડિઓ વાઇરલ કરેલ હતો. જે બાબતે તા.૨૮–૧૧–૨૦૨૪થી આ બનાવ બાબતે સમગ્ર ગામમાં ચર્ચાઓ અને વીડિયો વાઇરલ થતા જોવા મળ્યા હતા. આ બાબતે દલિત સમાજના યુવા આગેવાનોએ ફરિયાદ દાખલ કરાવવા આગળની તજવીજ હાથ ધરતા ગઇકાલે ભોગ બનેલા દલિત યુવાન પર થયેલા અત્યાચાર બાબતે વડિયાના ડો.આંબેડકર ચોકથી મોટી સંખ્યામાં રેલી સ્વપે દલિત સમાજના લોકો એકત્રિત થઈ પોલીસ સ્ટેશન ભોગ બનનાર દલિત યુવકની ફરિયાદ નોંધાવવા માટે ગયા હતા. આ બાબતે બે દિવસથી લોકમુખે થતી ચર્ચા કે કોના સામે ગુનો દાખલ થશે, ઓરીજનલ વીડિયોના આધારે થશે કે પછી અમુક લોકો સામે જ ગુનો દાખલ થશે તેનો અતં આવ્યો હતો. ગુનો દાખલ થયાના દિવસે એક સોશ્યલ મીડિયા ન્યૂઝના બ્રેકીંગ પોસ્ટરમાં જે નામો લખવામાં આવ્યા હતા તે નામ ફરિયાદમાં નથી ત્યારે તે પોસ્ટર પણ ચર્ચાનો વિષય બન્યો હતું. જોકે સમગ્ર પ્રકરણમાં પોલીસ આ ઘટનાના તમામ વીડિયો આગેવાનો અને સોશ્યલ મીડિયામાંથી એકત્ર કરી આગળની તપાસ કરે તો વીડિયોના આધારે હજુ અનેક નમો ખુલી શકે તેવુ લોકમુખે ચર્ચાઈ રહ્યું છે. હાલ તો ભોગ બનનાર દિનેશ રામજીભાઇ ચૌહાણની ફરિયાદ પરથી જયલો ભરવાડ, અજાણ્યો ભરવાડ શખસ, રાજુ રાજ સ્ટુડિયોવાળો સામે બીએનએસ કલમ ૧૧૫(૨), ૩૫૨, ૩૫૪ એનએસ અને અનુ. જાતિને અનુ. જનજાતિ પ્રતિબધં અધિનિયમ સહિતની કલમ મુજબ ગુનો નોંધી વધુ તપાસ હાથ ધરવામા આવી છે