અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ્ની મુશ્કેલીઓ સતત વધી રહી છે. નેશનલ એન્ક્વાયરર પબ્લિશર ડેવિડ પેકરે ભૂતપૂર્વ યુએસ પ્રમુખ વિરુદ્ધ જુબાની આપી હતી. પેકરે જણાવ્યું હતું કે તેઓ ટ્રમ્પ્ની રાષ્ટ્રપતિની બિડમાં મદદ કરવા માટે તેમના ટેબ્લોઇડનો ઉપયોગ કરવા માટે 2016 માં એક ગોપ્નીય સમાધાન પર પહોંચ્યા હતા. પેકર ક્રિમિનલ મની લોન્ડરિંગ ટ્રાયલના પ્રથમ સાક્ષી છે. પેકરે ન્યૂયોર્ક કોર્ટને જણાવ્યું કે 2015માં તેણે ટ્રમ્પ્ને કહ્યું હતું કે એન્ક્વાયરર તેમના વિશે પોઝીટીવ સ્ટોરીઓ પ્રકાશિત કરશે.

પેકરે કહ્યું કે તેણે એક સંપાદકને વ્યવસ્થાને ગુપ્ત રાખવા કહ્યું હતું. પેકરે ટ્રમ્પ્ને 2016ની ચૂંટણીમાં કથિત લગ્નેતર સંબંધોની સ્ટોરીઓને દબાવવામાં મદદ કરી હતી. જાતીય ગેરવર્તણૂકના અનેક આરોપોનો સામનો કરી રહેલા ટ્રમ્પ્ને મદદ કરવી એ મતદારોને છેતરવા સમાન છે. પેકરે ટ્રમ્પ પર પોર્ન સ્ટાર ડેનિયલ્સને 130,000 ડોલરની ચૂકવણી છુપાવવા માટે ગુનાહિત રીતે બિઝનેસ રેકોર્ડ ખોટા કરવાનો આરોપ મૂક્યો છે. જોકે, વકીલોની દલીલ છે કે ટ્રમ્પે કોઈ ગુનો કર્યો નથી.

ટ્રમ્પ્ના ભૂતપૂર્વ વકીલ માઈકલ કોહેને સ્ટોર્મી ડેનિયલ્સે ટ્રમ્પ સાથેના તેના ગેરકાયદેસર સંબંધો વિશે મૌન રહેવા સ્ટોર્મી ડેનિયલ્સને 130,000 ડોલર ચૂકવ્યા હતા. આ મામલામાં ટ્રમ્પે ડેનિયલ્સ સાથેના સંબંધોને નકારી કાઢ્યા છે.આ પહેલા સુનાવણી દરમિયાન વકીલ મેથ્યુ કોલજેલોએ જણાવ્યું હતું કે ટ્રમ્પે 2016ની રાષ્ટ્રપતિ ચૂંટણી દરમિયાન ભ્રષ્ટાચાર આચરવાની ગુનાહિત યોજના બનાવી છે. અમેરિકામાં પ્રમુખપદની ચૂંટણી પહેલા ટ્રમ્પ્ના ચાર ગુનાહિત કેસોની સુનાવણી આ એકમાત્ર કેસ હોઈ શકે છે. જો ટ્રમ્પ આ કેસમાં દોષિત ઠરે છે તો તેમની ઉમેદવારી જોખમમાં આવી શકે છે. પૂર્વ રાષ્ટ્રપતિએ તેમના સમર્થકોને દેશભરની અદાલતોમાં શાંતિપૂર્ણ વિરોધ પ્રદર્શન કરવા હાકલ કરી હતી.
આ કેસમાં અગાઉ, કોર્ટે ટ્રમ્પ્ની એક અરજીને ફગાવી દીધી હતી, જેમાં તેમણે માંગ કરી હતી કે ગુપ્ત નાણાંના કેસની સુનાવણી માટે કોર્ટને બદલવામાં આવે. ભૂતપૂર્વ રાષ્ટ્રપતિ ટ્રમ્પ્ના વકીલોએ કોર્ટને ટ્રાયલ મુલતવી રાખવા વિનંતી કરી હતી, પરંતુ જસ્ટિસ લિઝાબેથ ગોન્ઝાલેઝે તેમની અપીલ ફગાવી દીધી હતી.