એન્ફોર્સમેન્ટ ડિરેક્ટોરેટ (ED) દ્વારા અમદાવાદમાં ૯ અલગ-અલગ જગ્યાઓ પર સપાટો બોલાવવામાં આવ્યો છે. આ દરોડા મુખ્યત્વે અનસ ગ્રુપ (Anas Group) અને તેના ભાગીદારોના નિવાસસ્થાન તથા ઓફિસ પર પાડવામાં આવ્યા હતા. તપાસ દરમિયાન એજન્સીને કરોડોની રોકડ, વિદેશી ચલણ અને સોનાના બાર મળી આવતા ખળભળાટ મચી ગયો છે.

જપ્ત કરાયેલ મુદ્દામાલની વિગતો
EDની ટીમે લાંબી તપાસ બાદ નીચે મુજબનો મુદ્દામાલ કબજે કર્યો છે:

રોકડ રકમ: ₹૧.૦૧ કરોડની ભારતીય ચલણી નોટો.

વિદેશી ચલણ: ₹૩૩.૩૪ લાખની કિંમતની વિદેશી કરન્સી.

સોનું: ૧.૬ કિલો વજન ધરાવતા વિદેશી માર્કિંગવાળા ૧૬ સોનાના બાર.

દસ્તાવેજો: તપાસ દરમિયાન અનેક ગુનાહિત દસ્તાવેજો અને ડિજિટલ પુરાવાઓ પણ મળી આવ્યા છે.

દુબઈ કનેક્શન અને બેનામી મિલકતો
તપાસમાં સૌથી મોટો ખુલાસો એ થયો છે કે અનસ ગ્રુપના ભાગીદારો અને તેમના પરિવારના સભ્યોના નામે દુબઈમાં આલીશાન પ્રોપર્ટી હોવાના પુરાવા મળ્યા છે. ED હવે આ મિલકતો ખરીદવા માટે નાણાં ક્યાંથી આવ્યા અને તેમાં મની લોન્ડરિંગનો ઉપયોગ થયો છે કે કેમ તે દિશામાં ઉંડાણપૂર્વક તપાસ કરી રહી છે.