ગુજરાત રાજ્ય સંયુક્ત કર્મચારી મોરચો, ગુજરાત રાજ્ય કર્મચારી મહામંડળ અને ગુજરાત રાજ્ય પ્રાથમિક શિક્ષક સંઘના નેજા હેઠળ તારીખ ૧૫/૦૩/૨૦૨૪ ના રોજ ગાંધીનગર મુકામે જુની પેન્શન યોજના ચાલુ કરવા, ફિક્સ પે નાબૂદ કરવા તથા કર્મચારીઓને લગતા વિવિધ પ્રશ્નો માટે ગુજરાતના મુખ્યમંત્રી ને વ્યક્તિગત આવેદનપત્ર આપવા માટે ગુજરાત ભર માંથી હજારો શિક્ષકોની મેદની ગાંધીનગર મુકામે ઉમટી પડી હતી. જૂની પેન્શન યોજના ને લગત કર્મચારીઓમાં ખૂબ જ ભારે રોષ  જોવા મળ્યો હતો. કર્મચારીઓ દ્વારા જૂની પેન્શન યોજના ચાલુ કરવા માટે નારા લગાવવામાં આવ્યા હતા.
કાર્યક્રમના ભાગરુપે દેવભૂમિ દ્વારકા જિલ્લા પ્રાથમિક શિક્ષક સંઘના પ્રમુખ મેરામણભાઇ ગોરીયા, મહામંત્રી અશોકભાઈ કરમુર, રાજ્ય ઉપ પ્રમુખ સુકલભા સુમણિયા તથા ખંભાળિયા, કલ્યાણપુર, ભાણવડ, દ્વારકા, ચારેય તાલુકાના પ્રાથમિક શિક્ષક સંઘના પ્રમુખઓ, ઉપપ્રમુખઓ, મહામંત્રીઓ તેમજ બહોળી  સંખ્યામાં  શિક્ષકો પણ ગાંધીનગર મુકામે પહોંચ્યા હતા. અને પોતાની માંગ વ્યક્તિગત આવેદનના રુપે કરી હતી. જો જૂની પેન્શનની માંગ સ્વીકારવામાં નહિ આવેતો ભવિષ્યમાં સરકાર સામે માંગણીઓના ઉકેલ માટે આંદોલન ચાલુ રાખવામાં આવશે તેમ સરકારી કર્મચારીઓ દ્વારા રોષ ભેર જણાવવામાં આવ્યું હતું.